Edi Rama në gjendje të rëndë deklaron: Shqipëria, rivali i ri turistik i Kroacisë!
Nuk dihet se kush i ka bërë dëm mbrëmë kryeministrit të Shqipërisë, Edi Rama, zgërdhirja në seancën plenare të së enjtes, pamja nga zgërdhirja e Taulant Ballës apo konfirmimi i lajmit të kryetarit të Partisë Demokratike, Lulzim Basha për miliona eurot që janë kapur në “Yaris”, por ai mëngjesin e së hënës është zgjuar në gjendje shumë të rëndë.
Duke publikuar në Facebook një artikull të “Journal de Dimanche”, që e klasifikon vendin tonë në 10 destinacionet kryesore të turistëve francezë këtë vit, Edi Rama thekson faktin se Shqipëria është “rivali i ri të Kroacisë”!
Nuk është e qartë se cili është ai element turizmi që Shqipëria e Edi Ramës mund ta rivalizoj Kroacinë, kur kjo Shqipëri që njohin shqiptarët, nuk ka qeveri që të kujdeset as për detin të cilin e fali natyra.
A thua kryeministri nuk e ka idenë se si plasën ujërat e zeza në Kasmil, si u përmbyt Vlora për 30 minuta dhe e kujt është merita, e tij apo Dakos, që pas 20 pika shi Durrësi shndërrohet në Venecia.
Apo gjithçka mund të arsyetohet me gjendjen e rëndë psikologjike, meqë asgjë nga pushteti nuk kontrollon dot më. I lejohet vetëm të zgërdhihet!
Ja postimi i plotë:
MIRËMËNGJES
dhe me këtë artikull të francezes Journal de Dimanche, që e klasifikon vendin tonë në 10 destinacionet kryesore të turistëve francezë këtë vit dhe e quan “rivalin e ri të Kroacisë”, ju uroj një javë të mbarë.
