Edi Rama në grahmat e fundit, Berisha: Diaspora, mezi pres të firmos rrëzimin e kësaj diktature

Edi Rama është në grahmat e fundit, e pranoi se ka përdorur dhe ai Sky Ecc, por tha të tjerë e kanë përdorur më shumë se unë, tha sot Kryetari i Partisë Demokratike, Sali Berisha ndërsa konfirmoi një atmosferë optimiste ndër shqiptarët jashtë vendit tha se mezi presin të firmosin me votën e tyre rrëzimin e kësaj diktature.

“Edi Rama do të përdorë të njëjtat mjete. Ju i shifni se ç’po ndodh në Shkodër. Vrasje pas vrasje vetëm për mandatin e Edi Ramës në Shkodër. Policia iku thotë në drejtim të paditur, ju garantoj se çdo vrasje në Shkodër, ka mbështetjen e policisë.
Takimet në Dubai kanë pasur vetëm këtë qëllim. Ju e patë se çfarë dokumenti paraqita para jush sot, por a ka një ndryshim sot. Ka një ndryshim të madh. Ky ndryshim qëndron në tre rezoluta ndërkombëtare që e damkosin shtetin shqiptar si ndërmarrje të përbashkët mes pushtetit dhe krimit. Të gjitha këto na bëjnë ne që të vazhdojmë të sigurtë në betejën tonë, kundër kësaj narkodiktatura.
Qeveria do ti përdorë këtë, Rama nuk heq dorë, është në grahmat e fundit. E pranoi para 4 ditësh. E kam përdorur atë, por e ka përdorur Taulanti më shumë. E kam përdorë tha, por të tjerët e kanë përdorur më shumë këtë Sky Ecc, Enchrochat, Matrix etj,” tha Sali Berisha ndërsa konfirmoi një atmosferë jashtëzakonisht optimiste në diasporën shqiptare.

“Për votën e diasporës, nuk kam statistika. Por çfarë kemi bërë ne? Ne kemi organizuar një seri takimesh në Itali, Greqi, SHBA, Britaninë e Madhe. Dhe ne vazhdojmë takimet, natyrisht jo në salla luksoze sepse, thashë ne nuk kemi, me të ardhurat tona modeste, por atmosfera është e shkëlqyer,” tha Kryetari i PD, Sali Berisha, duke përfunduar:
“Kemi një atmosferë jashtëzakonisht optimiste nga shqiptarët jashtë vendit që mezi presin të firmosin me votën e tyre rrëzimin e kësaj diktature droge.”