Edi Rama në Shkodër si Krajl Nikolla, me polici dhe ushtri!

Mënyra se si vajti Kryeministri Edi Rama në Shkodër arsyetoi vendimin e Kryetares së Bashkisë Shkodër, Voltana Ademi dhe i dha përgjigje edhe Denar Bibës nëse do të mbahen ose jo zgjedhjet e 30 Qershorit.

Madje Edi Rama tejkaloi të gjitha parashikimet edhe të 2 Prillit të dytë, duke u sjellur si ushtria e Mbretërisë së Malit të Zi në Shkodër më 1912, me polici, ushtri malazeze dhe spiunë e banditë të qarkut të Shkodrës.

Dhe, për t’iu kthyer realitetit të tij kriminal, ndonëse u publikuan përgjimet e gazetës gjermane “Bild”, në zgjedhjet të cilat Edi Rama e kishte sfidë, sot ngriti nivelin e rrezikut në këtë qytet më 30 Qershor duke e thënë publikisht se Shkodrën e ka sfidë!

Marshimi i opozitës

Ndërkohë që opozita kishte filluar marshimin në pedonalen e qytetit të Shkodrës dhe pjesëmarrja kishte tejkaluar parashikimet e Kryeministrit Edi Rama i cili e shtyri mitingun në Shkodër për ët ardhur me një shpurrë të armatosur pasi e gjithë Shkodra u përmbytë në gaz lotsjellës.

Pse u ndërpre marshimi i Ish-deputetëve dhe përfaqësues të opozitës, bashkë me qytetarë shkodranë j në pedonalen e qytetit nuk ishte e qartë për momentin, si dhe dhuna dhe konflikti me policinë, ndërkohë që në mes të kordonit të policisë dhe qytetarëve ishin pikërisht punëtorët e bashkisë me në krye Kryetaren Voltana Ademi si dhe Ish-Deputetët e Partisë Demokratike.

Por, kur policia komandohet nga në Ish-Gjeneral si Sandër Lleshaj, vetëm dhuna është ligji, dhe kur të gjithë u neutralizuan nga përdorimi i gazit lotsjellës, madje u pengua edhe ambulanca, erdhi Skenderbeu i ministrit Lleshaj.

Dhe, për thirrjet “Rama ik” u kujdes FNSH njësi kjo speciale e policisë e cila përfundimisht e dha mesazhin se policia nuk është ajo që do të garantoj zhvillimet e zgjedhjeve më 30 Qershor.

Rama: Ky qytet është sfidë për mua

Dhe, në Shkodrën e spastruar nga antikomunistët me dhunë në mënyrë që të shkel Edi Rama, prezenca e tij me simbolin e krimit komunist, Ditmir Bushatin, ishte një mesazh gatishmëri për ta bërë edhe 2 Prillin e dytë por Tom Doshi në krah ngatërronte shumë gjëra. Gjithsesi aty ishin 2.000 për I lejuar Kryeministrit të flas çfarë ti dojë kokërra e qejfit.  

Dhe derisa policët po vazhdonin me gaz lotsjellës të ndalonin qytetarinë shkodrane, Edi Rama tha se Shkodra për të ishte sfidë.

“Dua t’u them diçka, jo vetëm socialistëve, por edhe demokratëve. 4 vjet më parë u thashë vlonjatëve se ishte koha për një kapitull transformimi. Sot Vlora nuk njihet. Shkodra e 4 viteve të ardhshme është edhe sfida ime personale, do bëj më shumë se 30 vite të marra bashkë,” tha Edi Rama për qytetin, banorët e të cilit i ka ofenduar pa kursim përveç se nuk u ka dhënë asnjë kokërr leku që nga viti 2013, dhe sot u premton zhvillim. Në një stadium i futi hundët dhe bëri batërdinë me pronat ashtu siç bëri parardhësi i tij diktator me simbolin kombëtar të shtetit shqiptar, Pazarin e Shkodrës, e zhduku nga faqja e dheut.

Dhe nuk kishte se si të harronte  për të akuzuar kryetaren e Bashkisë Shkodër, Voltana Ademi, politikën e së cilës mund ta arrestoj por qytetarinë e saj nuk mund ta rrijë sa të jetë jeta:

“Ata që e drejtonin sot kanë dalë në rrugë të madhe. Dinë vetëm të bëjnë shantazh, kaos dhe Molotov. Voltana Ademi, drejtuesja më e paaftë në historinë e bashkive, të majta dhe të djathta që kur është hapur bashkia e parë në vend.”

PD: Edi Rama hyri sot në Shkodër si pushtues dhe jo kryeministër.

Pas dhunës së Policisë së Shtetit ndaj qytetarëve të Shkodrës ku nuk u kursye as ambulanca me të plagosur, Partia Demokratike reagon duke theksuar se bandat me uniformë, siç i cilëson forcat e rendit, sulmuan me gaz ambulancën me të lënduar brenda.

Deklarate e plotë

Pamjet ne video jane fytyra kriminale e Edi Rames.

Banditet me uniforme dhe skafandra te Edi Rames, sulmojnë me gaz ambulancën me te lenduar nga gazi. Pamjet e paprecedentë, kur policia sillet si bande dhe nuk i hap rruge ambulancës ne urgjence mjekësore, përkundrazi, sulmon me gaz qytetaret rreth saj, janë te denja për regjime diktatoriale.

Sot, Edi Rama ka hyre sot ne Shkoder si pushtues, jo si kryeminister, as si perfaqesues i alternative demokratike! Partia Demokratike denon me ashpersine me te madhe sjelljen kriminale te banditeve te veshur me uniformen e shtetit! Ata jane sot ne anen e kundert te ligjit! Bashke me Bablokun e tyre te krimit, qe synon te nxise vellavrasje dhe konflikt mes shqiptareve, do te mbajne shume shpejt pergjegjesi para ligjit!