Edi Rama në Unazën e Re/ Lulzim Basha: Pse u hoq shqiponja dhe ç’aferë fshihet pas shkatërrimit të 300 shtëpive?!

Pas largimit të dhunshëm dhe sekret të “Shqiponjës” e cila ishte vendosur në hyrje të kryeqytetit me rastin e 100 vjetorit të Pavarësisë, akuzat dhe kundërakuzat përmes rrjetit social Twitter, në mes të kryeministrit Edi Rama, si autor vandal i kësaj heqje, dhe kryetarit të PD, Lulzim Basha si autor i vendosjes së Shqiponjës, u mbyllën me një paralajmërim konkret të këtij të fundit për ditën e hënë 12 Nëntor:

“Kryehajduti për të mbushur xhepat e tij nuk ndalet para lotëve të
fëmijëve, as para shtëpive të njerëzve dhe as para simboleve
kombëtare. Pse u hoq Shqiponja? Ç’aferë fshihet pas shkatërrimit të 300 shtëpive te Astiri? Nesër me fakte e dokumenta skema e
hajdutërisë te Unaza e Re,” thekson Lulzim Basha.

Pas këtij paralajmërimi, ndonëse cicërima e fundit e kryeministrit  Edi Rama ishte një akuzë që fliste për korrupsion, si “Shqiponja petashuqe e lekut nuk mund të bëhet dot monument tredimensional”, “Përpara petashuqes bëhesh petë, lekë, lekë, lekë”, nga kafazi i Edi Ramë nuk u dëgjuan më cicërima.