Edi Rama nga Elbasani: Do vijë qeveria e Ilirit dhe Monës me çetën e harbuar!

Kryeministri Edi Rama sulmoi koalicionin opozitar, teksa tha nga Elbasani se PD dhe LSI kanë një kontratë, ku sipas tij, pjesa e fshehtë e saj tregon përgjegjësinë që do të marrë në qeverinë e nesërme Monika Kryemadhi dhe çeta e saj e harbuar.

Mes të tjerash, kryeministri thekson se të gjithë ata që janë pjesë e koalicionit, janë pengmarrësit e çdo mundësie për të zhvilluar një qeveri normale. Ndërsa foli dhe për taksën e sheshtë, duke thënë se rikthimi i saj do të zvogëlojë automatikisht pagën e gjithë pjesë së madhe të shoqërisë, që sipas Ramës, punon fort për të çuar një pagë në shtëpi.

“Ata kanë një kontratë, ku pjesa e fshehtë thotë se çfarë do të marrë në përgjegjësitë e qeverisë së nesërme Monika Kryemadhi, bashkë me gjithë çetën e saj të harbuar. Ndërkohë demokratëve iu thuhet votoni PD, po për çfarë? Për të marrë Monika Kryemadhin, apo për të rreshtuar në qeverinë e nesërme Gon Dukën, Nard Ndokën, Mesilën, Dash Shehin, e plot të tjerë që çfarë mund t’i ofrojnë Shqipërisë e shqiptarëve, kur i kanë pasur gjithë shanset për të treguar kush janë dhe e kanë treguar. Është një koalicion ku Saliu-Iliri-Monika i bëjnë karshillëk dynjasë, SHBA, BE, rajonit tonë, me një program që është i njëjti, ngjan si dy pika uji me programin e prodhuar, të dështuar, duke pasur mungesën e plotë të sekëlldisë më të vogël me rikthimin e taksës së sheshtë,” tha Edi Rama duke folur dhe për taksat që as nuk i ka paguar kurrë dhe as që e ka idenë se ku dhe si paguhen. Por Kryeministër i komunistave është dhe të vetmën gjë dinë është të prishin lekët e të tjerëve.

“Taksë e sheshtë për të vënë të gjithë ata që fitojnë më pak, të paguajnë më shumë, dhe për t’iu dhënë atyre që fitojnë më shumë, të paguajnë më pak. Taksë e sheshtë për të rikthyer një barrë të padrejtë taksimi mbi mësuesit, mjekët, policët, punonjësit e këtij shteti, apo mbi kamarierët, shoferët, kuzhinierët, mbi gjithë atë pjesë të madhe të shoqërisë sonë që punon fort për të cuar në shtëpi një pagë, që zvogëlohet automatikisht me taksën e sheshtë. Ata s’i kanë dhënë vetes kohë as të mësojnë, as të fusin ndonjë gjë në kokë, se kanë qenë rrugëve duke destabilizuar.”

Dhe, ky njeri që e ka shumë të qartë se çfarë është pengmarrja, e realizoi në vepër me 21 Janarin dhe bllokimin e Këshillit Bashkiak në Fier për të mos lejuar integrimin e Shqipërisë në BE, sot u thotë shqiptarëve se opozita është pengmarrës i çdo mundësie për të zhvilluar një qeveri normale edhe pse ajo po heshtë”

“A e kuptoni se gjithë këta që janë pjesë e këtij koalicioni, janë pengmarrësit e çdo mundësie për të zhvilluar një qeveri normale, sepse do të kërkojnë copën. Gon Duka ministër Bujqësie. Shpëthim Idrizi me Vangjel Dulen duan të kthehen në qeveri, edhe Nard Ndoka, që nga gjithë këta i takon më shumë, se të paktën na bën të qeshim.”

Në fund, pa argument dhe pa një porgram konkret, akuzoi opozitën por opstruksionin e ka shumë më të shpifur se qeverisjen e tij, dhe thotë se opozita ka projektuar qeverinë e Monikës dhe Ilir Metës:

“Duhet pasur parasysh se ajo do të jetë qeveria e Monikës dhe Ilir Metës. Kjo fushatë nuk do të ketë tiparin e fushatave të tjera, me turma njerëzish, muzikë, zhurmë, por do të na japë më shumë mundësi për të folur për çështje, për programin. Koalicioni opozitar është KÇK, kap ça të kapësh, fut këtë fusësh.”

Ndryshe, Kryeministri Edi Rama nga takimi i Elbasanit me moton “Shqipëria e ardhmja jonë” u shpreh qartë se synimi i skuadrës socialiste në vrapim drejt 25 prillit është, 9 Deputetë!