Edi Rama nuk e hap kufirin me Kosovën, Hungaria e hapi me Serbinë!
Derisa Kryeministri Edi Rama vazhdon të bëjë shkencë dhe abuzon me pandeminë e koronavirusit duke mos hapur kufirin as me Kosovën, sot Hungaria ndonëse me statistika epidemiologjike shumë më të këqija se Shqipëria ashtu si edhe shteti serb, hapi kufirin me Serbinë duke u bërë kështu kufiri i parë që hapi me një shtet.
Pas mbledhjes së mbajtur në vendkalimin Rozske, të ministrit të Jashtëm të Hungarisë, Peter Szijjarto, me ministren e Integrimeve Evropiane të Serbisë, Jodranka Maksimoviç u bë e ditur se duke filluar prej sot qytetarët mund të lëvizin lirshëm në të dy anët e kufirit pa pasur nevojë për karantinë 14 ditore.
Kjo hapje e kufirit ndodhë kur të dhënat zyrtare flasin se në Hungari janë 3.756 të prekur me koronavirus ndërsa 491 e kanë humbur betejën me COVID-19. Ndërsa Serbia ka shënuar 11.159 të prekur dhe 238 jetë të humbura.
Ndërkohë Kryeministri Edi Rama sërish gënjeu dje ndërsa bëri të ditur se më 1 Qershor do të hapen kufinjtë me fqinjët për shqiptarët shtoi:
“Ne nuk jemi më të mirët, por më mirë se ne nuk ka. Shqipëria është bërë vend më i respektuar nga se ishte më përpara!”
Por ja që ka edhe më të mirë edhe më përpara se Shqipëria por të tjerët punojnë dhe nuk gënjejnë në Facebook. Hungaria pa lidhje gjaku me Serbinë madje me asrye për urrjetje pas pushtimit të tokave hungareze nga komunistët serb, hap të 9 pikat doganore me shtetin serb, duke u bërë dhe vendi i parë që hap kufirin pas pandemisë COVID-19.
