Edi Rama nuk vjen në interpelancë, Berisha: Rama dhe Lubia nuk guxojnë të dalin para shqiptarëve 

Pas lajmit se Kryeministri Edi Rama nuk vjen në interpelancë shpërthyen debatet Shehaj-Balla ndërsa në reagimin e tij Kryetari i Partisë Demokratike, Sali Berisha, nga foltorja e Parlamentit tha se Rama dhe Lubia nuk guxojnë të dalin para shqiptarëve!

 Fjala e plotë:

Në përgjigje të trillimit që bëri parafolësi që nuk jam paraqitur në seanca, kam pasur një pasion të veçantë për t’iu përgjigjur çdo interpelance që është bërë.

Dhe ky pasion nuk ndikohet as nga personi, as nga tematika.

Po ju nuk keni faj.

Ku e keni Ramën?

Ku e keni?

Pas Lubisë, ku e keni?

A e kuptoni që është bërë gaz?

Ku e keni?

A e kuptoni se ku jeni katandisur?

Nuk guxon me ardhë në parlament.

Ai dhe Lubia nuk guxojnë të dalin para shqiptarëve nga ky parlament.

Ju keni rënë, ju kot votoni, kot sillni ligje e buxhete, etj.

Ju keni marrë fund.

Frika e tij ka kufi vetëm qiellin.

Po zhvillohet një betejë, do ua deshifroj pak më vonë betejën që po zhvillohet.

Po gjë në botë që të mbyllë dosjen e tij nuk ka.

Prandaj nuk guxon të vijë t’u përgjigjet interpelancave.

Shehaj: E kuptoj shqetësimin e Taulantit! Balla: Pusho!

Reagimi i kryedemokratik erdhi pas një debati në mes të kërkuesit të interperlancës dhe liderit të partisë “Mundësia”, Agron Shehaj, dhe Kryetarit të Grupit Parlamentar të PS, Taulant Balla, si zotit Shehaj iu tha se Kryeministri Rama i kishte deleguar interpelancën ministres së Brendshme.

“Kërkova interpelancë me kryeministrin dhe jo me ministren e Brendshme. E kuptoj shqetësimin e Taulantit. Me qetësi! E kuptoj në fakt, që kryeministri nuk është në Kuvend, pasi s’po vendoset këtu fati i tij, por diku tjetër. Kryeministri ka hallë më të mëdha se të dalë në interpelancë për jetën e shqiptarëve. Kryeministri ka hallin e Belinda Ballukut, është hall i jashtëzakonshëm.

Sot Rama ishte në një event. Me paturpësinë më të madhe doli në 30 vjetorin e Prokurimeve Publike. Po mburrej për arritjen e Shqipërisë në luftën kudër korrupsionit. Kjo mazhorancë dhe Rama, kanë humbur moralin, fabulën, janë bërë të pabesueshëm. Orë kanë dalë përgjimet a i keni dëgjuar?

Balluku, vartësja e Ramës, si fillim anulon një tender se; kështu kam një ndjesi. Pastaj mbyll kontratën para se të hapet tenderi. Pastaj përgjimet ku Balluku bën pazare. Unë në radhë të parë duhet të respektoj votuesit shqiptar. 50 milionë euro janë vjedhur me një sms. 120 mln euro të Bankers nëse do të ishin marrë, do ishin rritur pensionet. Për këtë duhet të flasim. Ju nuk duhet të bëni avokatin e Belinda Ballukut, por duhet të respektoni rregulloren. Mos u bëni avokatin e Ramës. Ndaj mos më tregoni se çfarë të flas,” tha Agron Shehaj.

I menjëhershëm ishte reagimi i Kryetarit të Parlamentit, Niko Peleshi:

Kujdes, mos e ngrini zërin. Me mua kujdes kur drejtoheni me gisht. Po, unë drejtoj se çfarë duhet të flisni, pasi i referohem rregullores. Kaq!”

Por nuk përfundoi këtu reagimi i mazhorancës, Kryetari i Grupit Parlamentar të PS-së, Taulant Balla ishte edhe më i ashpër në përgjigjen e tij kundër Agron Shehajt të Mundësisë. Sipas Taulant Ballës, Kushtetuta e përcakton se Kryeministri mund t’ia delegojë interpelancën ministrave ndërsa lëshoi akuza në drejtim të Shehajat duke e këshilluar të rrijë urtë dhe ta mbajë mirë me Lulzim Bashën, pasi ky i fundit mund të tregonte për “disa çanta”.

“O zoti kryetar, ça po hidhni në votim? O zoti Braçe, ai është në rol. Teatri që sapo dëgjuam në Kuvend, është i padëgjuar. Zotëri, kushtetuta e Republikës i jep të drejtën kushtetuese të delegoj. Ore s’po përgjigjem ty. Pusho ti pusho. S’të kam në refene. Ik merru me Lulin, ik fërkojë se po foli Luli ike ti. Mbaje mirë me Lulin se po tregoi ai se si i sillje çantat ti…Me mua do merresh ti? Ouu. Çoheni ju me buton 10 veta këtu?! Kështu i jepni firmat ju? Me të çuar në këmbë? Çohuni, Agron Shehaj, Avokat Populli.”