Edi Rama po instalon neodiktaturën, Kryesia e PD: Protesta në çdo rrugicë të Shqipërisë!

Edi Rama përfundimisht po hedh hapat më të rrezikshëm të instalimit të një neodiktature, duke tentuar të asgjësojë opozitën dhe pluralizmin, tha Sekretari i Përgjithshëm i PD, Flamur Noka, pas mbledhjes së Kryesisë së Partisë Demokratike, duke e bërë të qartë se PD është e vendosur t’i qëndroj përballë me mënyrat e diversifikimit të aksionit politik për ta përshkallëzuar drejt mosbindjes civile duke zbritur në të gjitha Qaret dhe çdo rrugicë të Shqipërisë, tashmë dhe me 4 koordinatorë organizativë.

“Situata është e rëndë dhe Kryesia mori në shqyrtim edhe situatën në parlament. Vendimet për të përjashtuar dhe për të shpallur armiq deputetët e opozitës, të cilët të paktën në seancën e fundit demonstruan në mënyrë krejtësisht brenda rregullores me pankarta, tregon që këtu regjimi ka një vullnet për të asgjësuar çdo gjë, çdo forcë, çdo aktor politik apo jo që është kundërshtar dhe nuk bie dakord të bjerë në kthetrat e tij.

Edi Rama përfundimisht po hedh hapat më të rrezikshëm të instalimit të një neodiktature, të asgjësimit të pluralizmit, duke shkelmuar opozitën duke i mohuar të drejtat asaj dhe duke tentuar ta asgjësojë.

PD është e vendosur për ti qëndruar përballë dhe kjo Kryesi e saj diskutoi format mënyrat e diversifikimit të aksionit tonë për ta përshkallëzuar atë për të ecur drejt mosbindjes civile si e vetmja formë për të çliruar Shqipërinë nga ky oktapod i rrezikshmë dhe për të ringjallur përsëri shpresën se në Shqipëri mund të ketë demokraci dhe liri,” tha Flamur Noka duke saktësuar se u diskutuan edhe çështje të tjera organizative ndërsa zyra e organizimit do të forcohet me 4 koordinatorë organizativë dhe drejtuesin politik të Tiranës, Belind Këlliçi.

“Ne tani kemi një vend ku edhe protestojmë por edhe kemi transferuar parlamentin e shqiptarëve dhe ajo është ‘Rruga e Shpresës’. Pastaj u diskutuan edhe format e përshkallëzimit duke zbritur në të gjitha degët e Shqipërisë dhe do të ketë protesta dhe mosbindje civile në të gjitha qarqet dhe në çdo rrugicë të vendit,” tha Sekretari i Përgjithshëm i PD, Flamur Noka, duke konstatuar se Partia ka nevojë për tu fuqizuar për tu organizuar dhe Partia Demokratike do ristrukturohet do ringrihet dhe do përballet me këtë regjim ndërsa pëfundoi:.

“Katër koordinatorët janë ndihmës në punët dhe çështjet e organizimit të partisë. Ata ndihmojnë Kryetarin, Sekretarin e Përgjithshëm dhe Zyrën për çështjet organizative të PD. Kryesia miratoi propozimin e Kryetarit dhe ata që nesër do të fillojnë punën.”