Edi Rama pret kongresmenët amerikanë, Ambasadorja Kim bën “detyrën” e opozitës

Kryeministri Edi Rama ka pritur sot në zyrën e tij senatorë dhe kongresmenë të Shteteve të Bashkuara të Amerikës duke konfirmuar edhe sot partneritetin me SHBA, që sipas Ramës, forcohet dita-ditës .

Pas takimit, vet Kryeministri Edi Rama ka postuar disa foto ku bashkë me senatorët shihet edhe Ambasadorja e SHBA në Tiranë, Yuri Kim, e cila për faktin që në PD liderët dhe ish-liderët po merren me sharje dhe akuza në mes vete, ajo i kujton Edi Ramës se ka edhe opozitë përballë, ndërsa Kryeministri përmes rrjetit social Facebook shkruan:

“Me senatorë e kongresmenë nga Shtetet e Bashkuara, në një rrugë miqësie e partneriteti që forcohet dita-ditës!”