Edi Rama prishi Marrëveshjen e 5 Qershorit, Basha: Tërhiqu ose do përballesh me pasoja!
Duke konstatuar se sot Edi Rama prishi Marrëveshjen e 5 Qershorit me vendimin për të plotësuar kërkesat e llumit opozitar, Kryetari i Partisë Demokratike, Lulzim Basha, tha se sot ranë edhe dorezat, edhe maskat dhe shqiptarët e kanë të qartë që Edi Rama ka vetëm një shqetësim, tmerr e frikë, zgjedhjet me koalicionin opozitar përballë.
“Falenderoj përfaqësuesit e medias që sot para syve tuaj keni pasur njeriun më të tmerruar nga zgjedhjet e ardhshme që Shqipëria ka njohur në 30 vite. Tmerri dhe ankthi i Ramës për humbjen e zgjedhjeve sot ka arritur një majë papërgjegjshëmërie që se ka pasur as Ramiz Alia në ditët e tij të fundit.
Një nga rekordet që do të thyejë është ajo e një kryeministri në ikje më të tmerruar se kushdo. Në esencë sot ai ka prishur marrëveshjen e 5 qershorit për të cilën u investuan forcat politike me ndërmjetësimin e BE, SHBA dhe Britanisë së Madhe në këtë marrëveshje ishte qendrore arritja e dakordësisë për reformën zgjedhore, kusht për hapjen e negociatave të Shqipërisë me BE,” tha Lulzim Basha dukeshtuar se halli i Edi Ramës nuk është hapja e listave, por koalicionet parazgjedhore, pasi është i tmerruar nga zgjedhjet me koalicionin opozitar përballë; Ndërsa llumin opozitar që Kryeministri e quan “opozitë parlamentare” ai tha se nuk i përkasin asnjë partie politike, por janë një grup njerëzish të blerë me para në dorë nga Edi Rama.
“Në gënjeshtra të shumta që ka këputur sot, kjo është fatale, sepse pë rata që e ndjekin politikën, të lodhur nga keqqeverisja, dështimi spektakolar me pandeminë, është e qartë se Edi Rama nuk donte depolitizim, por donte të nxirrte komisionerët jashtë dhe t’i zëvendësonte me dele. Rama donte të institucionalizonte dosjen ‘339’ dhe ‘184’. Na u desh pak kohë për ta treguar këtë të vërtetë, por kur ajo doli para syve të ndërkombëtarëve, qëndrimi ishte I qartë. Sa kohë administrate është e politizuar, ose e dhunuar nga pushteti I ardhur me bandat, asaj nuk mudn t’i besohet administrimi zgjedhor. Presioni i administratës zgjedhore duhet të zgjidhet. Kur Rama e kuptoi se nuk kontrollonte dot komisionet zgjedhore, ishte vetë zotëria e tij që u tërhoq nga depolitizimi.
Njeriu që sot kontrollon qeverinë, parlamentin, bashkitë, policinë, grupet kriminale, drogën, ekonominë, tenderat, koncesionet, është kaq i tmerruar nga zgjedhjet. Frika e Ramës nga zgjedhjet e ardhshme është motivi i gjithckaje ka ndodhur së fundi,” tha Kryetari i Partisë Demokratike duke shtuar se diskutimi i sotëm nuk është për listat e hapura, por për koalicionet parazgjedhore:
“Ky është halli i vërtetë i Edi Ramës. Sot ranë edhe dorezat, edhe maskat. Ranë dorezat, sepse shqiptarët besoj e kanë të qartë që Rama ka vetëm një shqetësim, tmerr e frikë, koalicionin opozitar dhe zgjedhjet me këtë përballë. Maska ra, sepse deri tani ishte vënë si shkak apo alibi një grup njerëzish që nuk përfaqësojnë asnjë nga partitë politike të opozitës, njerëz që nënshkruan heqjen e mandatit dhe më pas u blenë si gjë e gjallë, me para të thata në dorë, me premtimin se do iu nxjerrin njerëz nga burgu, etj, etj. Ata ishin mall i blerë nga Edi Rama, që u përdor si mish për top.”
Në fund, Kryetari i Partisë Demokratike, Lulzim Basha, i ka bërë thirrje kryeministrit Edi Rama, që të tërhiqet dhe t’i qëndrojë marrëveshjes së arritur në 5 qershor ndryshe do të përballet me të gjitha pasojat.
“I bëj thirrje sa nuk është vonë të marrë masa dhe të pranojë realitetin e pashmangshëm, askush nuk është i përjetshëm në pushtet. Nuk e ndal dot rotacionin.
I thërras përgjegjësisë së tij si kryeministër, si qytetar dhe si prind, të lejojë rotacionin me votë të lirë, ose do të përballet me të gjitha pasojat.Shqiptarët s’do jenë peng e frikës dhe ankthit të Edi Ramës për rotacionin politik.”
