Edi Rama propozon Ridvan Boden për Bordin e Bankës së Shqipërisë

Ish-ministri i Financave në Qeverinë Berisha, Ridvan Bode, mund të jetë anëtar i Bordit Mbikqyrës të Bankës së Shqipërisë, tashmë i propozuar nga qeveria.

Burimet të TCH nga qeveria kanë bërë të ditur se Ridvan Bode është një nga kandidatët më të mundshëm që do të paraqitet në Kuvend si pjesë e plotësimit të vendeve në Këshillin Mbikqyrës të Bankës së Shqipërisë.

Të gjithë anëtarët e Këshillit Mbikëqyrës zgjidhen dhe emërohen nga Kuvendi i Republikës së Shqipërisë me një mandat 7-vjeçar, me të drejtë rizgjedhjeje, mbështetur në propozimet e bëra nga Kuvendi për 5 anëtarë dhe nga Këshilli i Ministrave për tre anëtarë.

Të gjithë këta votohen në Kuvend. Aktualisht, thekson TCH, janë dy anëtarë të Kuvendit që u ka mbaruar mandati dhe pritet që të zgjidhen gjithsej 6 anëtarë nga të cilët 3 nga qeveria dhe 3 nga Kuvendi, në kohën kur opozita mungon në Kuvend edhe zgjedhjen e kandidatëve në Parlament e bën sërish mazhorancën e vetme që ka edhe shumicën e votave, plot 77 për të votuar kandidatët.

Ky vendim i Edi Ramës mund të jetë i papritur për socialistët por jo edhe për demokratët. Në muajin mars të këtij viti vetë Bode në një intervistë për abcnews deklaron:

“Vendi është duke përjetuar një periudhë rrënimi të shpresës dhe besimit të njerëzve. Sigurisht që rrënimi vjen nga keqqeverisja. Gjithë përgjegjësia e rrënimit të shpresës tashmë është te opozita sepse nuk mundi të akumulonte rreth vetes mundësinë për të dhënë shpresë”, tha ai duke shtuar se Lulzim Basha ka vetëm retorikë ndërsa e akuzoi se ka tradhëtuar Partinë Demokratike më 18 Maj:.

“Basha ka vetëm retorikë. Retorika është boshe. Liderët vlerësohen për idetë që japin, vendimit që marrin dhe aksionin politik. Zoti Basha ka rritur brengën mes demokratëve për faktin që marrëveshja e 18 Majit ishte një tradhëti e madhe.”