Edi Rama pushton KQZ-në, Biba me shokë shpallë të pavlefshëm Dekretin e Presidentit

Kryeministri Edi Rama bëri sot hapin e radhës për të çuar vendin drejtë një konflikti të përmasave të paparashikueshme. Jo që anëtarët socialist nuk kanë bërë edhe herë të tjera gjëra ta paimagjinueshme dhe në kundërshtim me misionin që ka KQZ, por deri më sot nuk kishte ndodhur të refuzohet Dekreti I Presidentët që është I detyrueshëm për këtë institucion.

Por vendi që për Kryeministër ka Edi Ramën nuk ka gjë që nuk mund të ndodhë.

Kryetari i KQZ, Klement Zguri duke refuzuar që ta diskutoj Dekretin e Presidentit me arsyetimin se nuk janë Gjykatë Kushtetuese, ai u largua për ti hap rrugën Edi Ramës që ta pushtoj edhe këtë institucion përmes anëtarëve të partisë së tij që militojnë në këtë institucion të rëndësishëm për zgjedhjet në Shqipëri.

Nënëkryetari i KQZ, Denar Biba i lutmur që Klement Zguri braktisi seancën, zbatoi urdhërat e Spiropalit duke deklaruar se Dekreti i Presidentit është i pavlefshëm dhe vijuan mbledhjen thuajse asgjë nuk ka ndodhur, madje miratuan me katër vota pro projektvendimin për ndarjen e fondeve të partitë politike për zgjedhjet që tashmë Partia Socialiste do ti organizoj në rang kombëtar.

KQZ në duart e krimit

Pasi u ndodhë në një situatë të çuditshme ku anëtarët socialist të KQZ refuzuan t’u dërgohet Dekreti partive politike, Kryetari i KQZ, Klement Zguri,duke e quajtur banale I bëri thirrje për vetëpërmbajtje, se çdekretimi i datës së zgjedhjeve nuk po bëhet për herë të parë, por kjo është hera e katërt:

“Jemi në një moment sfide, pra kemi nga një anë dekretin e Presidentit dhe axhendën e njoftuar nga dy anëtarët të KQZ. S’më ka rënë rasti ndonjëherë që të vëmë në diskutim Dekretin e Presidentit. Kanë qenë tre rastet kur Presidentët kanë çdekretuar datën e zgjedhjeve.

Unë mendoj që KQZ dhe unë personalisht, duhet ti bindemi një produkti të tillë, këtij Dekreti. Jemi përballë këtij fakti, s’dua të gjykoj kompetencën e Presidentit, nuk jam Gjykatë Kushtetuese të vlerësoj është i ligjshëm ose jo dekreti i Presidentit.

Vihem përballë një vështirësie tjetër, pra pika e dytë thotë që KQZ-ja të marrë masa për të zbatuar këtë vendim. Jam përballë një vështirësie, që refuzohet t’u dërgohet ky Dekret partive politike. Kjo është fare banale, por duhet të ketë një vetëpërmbajtje, dhe institucionet duhet të kuptojnë që respektimi i hierarkisë duhet zbatuar. Nuk është KQZ organi që duhet të bëj vlerësimin e dekretit të Presidentit. Anëtarët e KQZ janë vullnet inferior në raport me Presidencën. Është një lloj sfide që i bëhet dekretit të Presidentit, nga dy kolegët e KQZ. Unë jam i detyruar që të çohem nga kjo tavolinë.”

Por Nënkryetari i KQZ, Denar Biba, përveç zellit për paligjshmëri edhe gënjen publikisht. Duke e bërë nul Dekretin e Presidentit të Repubikës ai tha se Presidenti refuzon të zbatojë urdhërimin që e detyron atë të caktojë datë zgjedhjesh ndonëse Presidenti Ilir Meta  gjatë arsyetimit të tij sqaroi hapat e mëtejmë deri në përcaktimin e datës së re të zgjedhjeve:

“Presidenti refuzon të zbatojë urdhërimin që e detyron atë të caktojë datë zgjedhjesh. Sipas nenit 1 të Kushtetutës, qeverisja bazohet në sistem zgjedhjesh periodike, çdo katër vjet. Shfuqizimi i dekretit që përcaktonte datën 30 qershor është shkelje e hapur dhe flagrante e parashikimeve të mësipërme duke e lënë vendin pa datë zgjedhjesh dhe pa proces zgjedhor. Ky dekret nuk sjell asnjë pasojë juridike, ai konsiderohet se nuk ekziston, cdo subjekt që ndesh një akt të tillë nuk i nënshtrohet rregullave të tij dhe nuk e merr parasysh. KQZ ka detyrimin të vijojë punën. Në kundërshtim me  nenin 108 të kodit të procedurave administrative, bie në kundërshtim me dispozitën urdhëruese të kodit. Bie ndesh me parimin e parashikuar nga neni 4 i kodit të procedurës administrative, sipas të cilit organet ushtrojnë veprimtarinë e tyre brenda kufijve të kometencave dhe në përputhje me qëllimin për të cilin janë dhënë këto kompetenca. Presidenti ka diskrecion të caktojë një datë, por jo të shkojë përtej kësaj dhe akoma më keq të mos caktojë fare një datë zgjedhjesh. Duke shfuqizuar sot dekretin e nëntorit vendi është pa datë zgjedhjesh,” tha Denar Biba duke vulos kalimin e Komisionit Qendror të Zgjedhjeve edhe zyratrisht në duart e krimit.