Edi Rama refuzon Albin Kurtin, më 20 dhjetor mbledhje amorale e parlamenteve Kosovë-Shqipëri
Pasi Kryeministri Edi Rama refuzon mbledhjen e dy qeverive Kosovë-Shqipëri deri sa Kryeministër është Albin Kurti, sot Parlamenti i Kosovës dhe Parlamenti i Shqipërisë bëjnë të ditur se do të zhvillojnë një mbledhje të përbashkët më datën 20 dhjetor.
Mbledhja e përbashkët e dy parlamenteve ndoshta nuk do të shkaktonte dhe irritim sikur mos të publikohej qëllimi, por kur Kryetarja e Parlamentit të Shqipërisë si personi më i parëndësishëm në tokën shqiptare deri sa Edi Rama të frymon, thotë se ky Kuvend i përbashkët “vjen si nevojë e koordinimit të agjendës tonë kombëtare për realizimin e objektivave strategjike, anëtarësimin e Shqipërisë në BE, integrimet euro-atlantike të Kosovës, mbrojtjen dhe avancimin e të drejtave të shqiptarëve dhe rritjen e kontributit të faktorit shqiptar në zhvillimin, demokratizimin, paqen e sigurinë në rajon e më gjerë”! Nevojë e cila ka pësuar stanjacion vetëm me vendimin e papritur dhe të turpshëm të Edi Ramës të anuloj mbledhjen në Gjakovë dhe të vendos sanksione për Kosovën para Bashkimit Evropian, dhe këtë Kuvend e bënë pa kuptim!
Nëse kësaj i shtojmë edhe dakordësimin që është dhënë nga Kryetari i Parlamentit të Kosovës, Glauk Konjufca, që i bashkohet dhe përdhosjes së dinjitetit të Kryeministrit Albin Kurti që i bënë Kryeministri Edi Rama, atëherë Kuvendi i përbashkët ngelet pa pikë morali!
Ndryshe, më 20 dhjetor 2024, ora 11:00, në Prishtinë, në sallën e seancave plenare të Kuvendit të Kosovës, do të zhvillohet mbledhja e përbashkët e Parlamentit të Shqipërisë dhe e Parlamentit të Kosovës.
Spektakël të ngjashëm, dy parlamentet kanë dhënë edhe më 27 nëntor të vitit 2022, por meqë u zhvillua me rastin e 110 vjetorit të Pavarësisë së Shqipërisë, takimi u arsyetua me festimin ceremonial.
