Edi Rama rikonfirmon politikën e tij proserbe, sulmon Albin Kurtin dhe “shqiptarët e Allahut”!

Me ndihmën e bedelëve me në krye Lulzim Bashën, Kryeministri Edi Rama duke iu përgjigjur “kërkesës për interpelancë” arsyetoi gjithçka që ka thënë në të mirë të Serbisë dhe kundër Kosovës e Albin Kurtit duke filluar nga konferenca ndërkombëtare, toka e askujt, ndëshkimi i Kosovës dhe së fundi refuzimi për Rezolutën e miratuar nga Parlamenti i Kosovës.

Shqiptarët e Kosovës, që e kundërshtojnë politikën e tij proserbe, i renditi nga foltorja e parlamentit siç bëri partia e tij që nga koha e Enver Hoxhës, “shqiptarë në emër të Allahut”, e për të qetësuar Komunitetin Mysliman të Shqipërisë që vazhdon ti shërbej pa rezervë ju citoj dhe profetin Muhamed

“Atyre shqiptarëve kudo që janë që në emër të Allahut u vërsulën ndaj Izraelit dhe duke glorifikuar terroristët Hamasin, u sugjeroj të ulen në gjunjë dhe të lexojnë Kuranin. Me sytë e mendjes së tyre, jo të dëgjojnë të dalët mendsh, por t’i binden e profetit Muhamed, Paqja e Zotit qoftë mbi ta, ku i porosit: Mos jini njerëz që kërkoni hakmarrje, por falni dhe pajtoni. Mos jini njerëz që kërkoni përçarje, por jeni ata që pajtojnë duke i bërë njerëzit bashkë,” tha Edi Rama duke nënkuptuar se kjo nuk vlenë për Vuçiçin dhe atij i lejohet të hakmerret dhe vras “shqiptarë që flasin në emër të Allahut”!

Dhe, vazhdoi interpelancën vetëm e tillë nuk ishte:

“Le të kthehemi te armata mediatike e hedhur për të masakruar vëllain e Vuçiçit, ku unë kërkova të njëjtën gjë si armiku nga Beograd. Sa herë aktakuza ndaj meje vjen në sallën e gjyqit nacional folklorik, këtej dhe andej bjeshkëve, rivijnë dhe me aktakuzën disa thirrje nga salla, kundër Europës, si kuçka e vjetër që s’na ka dashur kurrë por duhet me i me i tregu vendin me Bashkinë kombëtar, deri në dhëmbë me luftën finale me armikun, me shkjaun, se kuçka e vjetër do na lërë në baltë, siç na ka lënë gjithmonë, e lloj lloj klithmash që tingëllojnë si të folura me vete. Këtyre thirrmave u bashkuan dhe piskamat e thirrjes time që KFOR të marrë kontrollin e veriut.”

Sot konfirmoi se çmendurinë e “KFOR-it në veri” nuk e kishte vetëm bindje të krijuar nga batonët dhe buzhalët, por bindje që ka lëshuar rrënjë të thella që nga koha e dy çobanëve serb që krijuan Partinë Komuniste të Shqipërisë, Miladin Popoviç e Dushan Mugosha.

“Unë përsërita qëndrimin tim të njohur, e kam thënë në samitin e NATO-s mbi domosdoshmëri të marrjes së veriut të Kosovës nga KFOR. Asosacioni është një nyje dhe jo si litar në këmbë që e pengon Kosovën. Ajo nyje dhe litar duhet këputur. Nuk duhet shkencë, por logjike. Kosova sot po rrezikon që të humbasë shansin historik që i jep plani franko-gjerman, për të bërë një hap tjetër. Siç po humbet dita ditës për mosbërjen e asosacionin të besimit të atyre që e njohën.

Tregoj nga ana ime se si e humbi Rama mundësinë Yasser Arafat për të arritur marrëveshjen. Clinton tregoi; Yasser Arafat mori në telefon dhe më tha që marrëveshja është më e mira, por nuk e firmos dot.

I thashë se kjo mundësi ishte shumë e mirë. Por përgjigja e tij ishte; e di, por nuk e firmos dot. Dhe ja, tha presidenti Clinton që kanë kaluar 23 vite nga ai moment historik dhe Palestina është shumë larg asaj marrëveshje. Punët shkuan keq e më keq punët e Palestinës, edhe nga mungesa e kurajës së udhëheqësit të saj për të finalizuar paqen. Ajo që po ndodh këto ditë është përshkallëzim ekstrem.

Shqiptarëve që besojnë te Allahu, i sugjeroj që të ulen në gjunjë dhe të lexojnë Kuranin dhe të dënojnë agresionin e terroristëve të Hamasit. Sa herë aktakuza ndaj meje rivjen në nga sallat e mexhahelisë, për të masakruar vllaun e Vuçiçit pasi unë kërkova ‘pushtimin e veriut nga KFOR’ rivijnë dhe ca thirrje kundër Europës si ‘Kuçka e vjetër që s’na ka dash kurrë’, apo vijnë apele për armatosur, ‘Kuçka e vjetër do të na lërë në baltë’, e lloj-lloj klithmash. Këtyre thirrjeve të zakonshme, iu shtuan dhe piskamat nga kërkesa ime e përsëritur për NATO-n që KFOR të marrë në kontroll veriun, ku kufirin është katandisur në një rrjetë të çarë, nga ky hyjnë armatime, drogë e dreqi me të birin. Këtë gjënë për KFOR e thonë dhe udhëheqës të lartë,” tha Kryeministri Rama duke akuzuar Albin Kurtin dhe duke harruar se atë që nuk e kishte pranuar Yasser Arafat liderët e Kosovës e kanë pranuar me kohë, dhe ai kompromis i dhimbshëm është Plani i Ahtisarit!

Por, ky injorant jo vetëm politik, mendon se Kosova ekziston vetëm nga dita kur ai erdhi në pushtet në vitin 2013, dhe jo rastërsisht me ndërmjetësimin e Beogradit zyrtar.

“Në Tiranë dhe Prishtinë, ka disa që nuk duan ta kuptojnë se Shqipëria nuk është më ajo e djeshmja. Nëse sot respektohet si e barabartë, vlerësohemi për dinjitetin që tregojmë me fjalë dhe vepra. Pyetemi nga të gjithë faktorët ndërkombëtarë, çmohemi si vend serioz, që i besohen poste me rëndësi, siç ishte dhe zgjedhja në OKB, apo na kërkohen mikpritje samitesh në Shqipëri. Kjo nuk ndodh as se unë vesh atlete në samite apo se ata nuk dine se ku të mblidhen, por se e kemi çuar pozicionin tonë në rajon dhe botë në një kah të ri. Jemi faktor paqeje, si anëtar i denjë i komunitetit euroatlantik. Sa herë e kemi dëgjuar nga qeveritarë që thonë; Shqipëria është faktor paqeje, stabiliteti në rajon dhe botë. Deri dje Shqipëria është faktor pasiv, sot aktiv. Ka një fill të artë amaneti kombëtar që vazhdon. Kjo na kërkon që të bëhemi perëndimorët e Ballkanit dhe jo ballkanasit e radhës. S’kemi luksin që të luajmë me dy porta.

Për ata që duan ta dëgjojnë, një moslinjëzim me politikat e jashtme me BE-në, nuk është një fjalë gojë, pasi jemi vend kandidat për BE. Nuk është as akt heroizmi, por politik kundërshtie,” tha Rama duke interpretuar të gjitha ato që i ka thënë tashmë me gojën e batonëve dhe buzhalëve dhe janë thjeshtë politikë antikosovare.

Ndonëse ishte në foltore për interpelancën, ai e shfrytëzoi rastin të arsyetohet para Vuçiçit që ai nuk do ta votoj Rezolutën por ja që Rezoluta e shqiptarëve të Allahut nga Kosova e ka vënë në një pozitë që PS nuk mund t’ja jap votën kundër:

“Sot jemi ftuar në një mocion me debat nisur nga një draft-rezolutë e depozituar në Kuvendin e Shqipërisë, që doli nga i njëjti oxhak i tymit patriotik fill pas rezolutës së Kosovës, për vrasjen tragjike të policit Afrim Bunjaku, nga një grup kriminal serb. Kuvendi i Kosovës është jo vetëm në një drejtën e saj, por të miratojë rezoluta të kësaj natyre, që i drejtohen fuqive ndërkombëtare. Po Kuvendi i Shqipërisë, vend anëtar i NATO-s, vend kandidat që negocion anëtarësimin në BE, që ka ulësen, të gjitha rrugët e komunikimit, ambasadorët e vetë, kujt ia drejton një rezolutë si ajo që u propozua,” tha Kryeministri Edi Rama pas më shumë se një orë e gjysëm duke përfunduar:

“Ju o do votoni rezolutën tonë, atë të thjeshtën fare që nuk i drejtohet planetit, por i drejtohet njerëzve institucioneve, ose ato tuat i votoni në mbledhjet e 7 partive të tua, e duke bërtitur nga 7 penxheret ‘poshtë tradhtarët e kombit, vdekje vëllait të Vucicit’. Do linjëzohemi 100 % në shenjë solidariteti me Kuvendin e Kosovës. Gëzuar!”

Ndryshe, PS sot ka shprehur votën për Rezolutën në mbështetje të Kosovës ose siç e tha Edi Rama “shqiptarëve të Allahut”!

Për ata që e perceptuan se u bë hataja, e kanë shumë gabim, ai kohë më parë doli edhe kundër SHBA e Izraelit dhe mbështeti “palestinezët e Allahut” në OKB!