Edi Rama sërish përdor Komunitetet fetare, Apel partive: Zgjidheni krizën…
Kryeministri Edi Rama, ky mjeshtër i komunikimit dhe manipulimit të opinionit publik sërish përdori Komunitetet Fetare për qëllimet e tij politike.
Këto Komunitete të cilat heshtën edhe në krizat më të mëdha shoqërore, kur vendi u kanabizua nën urdhrin e tij ata nuk bënë Apel dhe asgjë të ngjashme, kur krimi pushtoi vendin këto Komunitete nuk vepruan siç vepruan me sulmin terrorist te Parisit, ashtu siç nuk reaguan kur vendi u braktis nga 500 mijë banor dhe kur Edi Rama arrestoi si qentë, protestuesit e Kukësit dhe pjesëmarrësit në protestën e 16 Shkurtit. Madje, nuk e pa të arsyeshme ti kushtoj as edhe një fjali dhunës së mbrëmshme të Policisë së Ish-Gjeneralit Sandër Lleshaj nën urdhrat e Edi Ramës.
Sot Këshilli Ndërfetar i Shqipërisë thekson se po ndjek me shqetësim situatën politike në vendin tonë, e cila sipas Këshillit ndikon drejtpërsëdrejti në aspektin social, ekonomik dhe në të ardhmen e rinisë sonë, duke krijuar një gjendje të pasigurtë dhe duke cenuar shpresën e një populli të vuajtur, por vital e të fortë përballë sprovave me të cilat është përballur historikisht. “Këshilli Ndërfetar i Shqipërisë i bën thirrje politikës shqiptare për dialog dhe vetëpërmbajtje, si dhe për zgjidhje të konfliktualitetit të tejzgjatur, i cili po thellon dhe më shume varfërinë e shqiptareve, ikjen e tyre, dobësimin e institucioneve demokratike në vendin tonë, si dhe po dëmton rëndë imazhin e Shqipërisë përpara botës,” theksohet në deklaratën e përbashkët e cila është e paqartë në vetë adresimin që bëhet, kur nuk ka se pse i bënë thirrje politikës shqiptare kur fajtori është një dhe vetëm një, ai i cili sot ka në dorë Drejtësinë, Shëndetësinë, Policinë dhe së fundit edhe Parlamentin e Shqipërisë.
Deklarata
Këshilli Ndërfetar i Shqipërisë (Komuniteti Mysliman i Shqipërisë, Kisha Ortodokse Autoqefale e Shqipërisë, Kisha Katolike e Shqipërisë, Kryegjyshata Botërore Bektashiane dhe Vëllazëria Ungjillore e Shqipërisë), po ndjekin me shqetësim situatën politike në vendin tonë, e cila ndikon drejtpërsëdrejti në aspektin social, ekonomik dhe në të ardhmen e rinisë sonë, duke krijuar një gjendje të pasigurtë dhe duke cenuar shpresën e një populli të vuajtur, por vital e të fortë përballë sprovave me të cilat është përballur historikisht.
Këshilli Ndërfetar i Shqipërisë i bën thirrje politikës shqiptare për dialog dhe vetëpërmbajtje, si dhe për zgjidhje të konfliktualitetit të tejzgjatur, i cili po thellon dhe më shume varfërinë e shqiptareve, ikjen e tyre, dobësimin e institucioneve demokratike në vendin tonë, si dhe po dëmton rëndë imazhin e Shqipërisë përpara botës.
Ne të gjithë së bashku, duhet të këmbëngulim fort te virtyti i shpresës, që po plagoset dita ditës, duke i bërë thirrje të gjithë faktorit politik të lërë mënjanë dhunën verbale apo fizike, përçmimin e kundërshtarit politik, e të gjejnë medoemos zgjidhje në dobi të të gjithë shoqërisë shqiptare, të atyre nënave dhe baballarëve fisnikë, që ushqyen brezat me dashurinë e shenjtë për këtë tokë, e sidomos të rinisë sonë, e cila meriton një vend me një të ardhme shpresëplotë.
Lusim Zotin për më shumë dashuri, mirëkuptim e bashkëpunim.
Zoti e bekoftë Shqipërinë dhe popullin tonë.
Me respekt,
Këshilli Ndërfetar i Shqipërisë
