Edi Rama sfidon Ambasadoren e SHBA, del në Vlorë me Ish-Deputetin kriminel

Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Kështu shprehet në reagimin e tij Sekretari për Çështje Ligjore pranë PD, Çlirim Gjata, pas i shefi i rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesmarrës në organizata kriminale, Shkelqim Selami.

“Duke u shfaqur krah Selamit, Rama sfidoi publikisht sot ambasadoren e SHBA, Yuri Kim, e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren,” thekson Çlirim Gjata në reagimin e tij përmes rrjetit social Facebook duke rikujtuar se një paralajmërim të tillë Ambasada Amerikane e kishte bërë edhe më parë por gjithmonë Edi Rama e ka injoruar.

Duke konstatuar këtë situatë, Sekretari për Çështje Ligjore pranë PD, Çlirim Gjata, vlerëson se Edi Rama e ka të qartë se pa mbështetjen e krimit të organizuar nuk fiton kurrë zgjedhjet ndërsa përfundon:

“Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni.”