Edi Rama shkarkon kreun e Kadastrës, Artan Lame: Dhuratë për ditëlindje!

Iku idioti i Kadastrër me unformë, nuk do acaroj më njeri ndone cereonia e prezantimit të kreut të ri të Kadastrës nga ana e Kryeministrit sot ishte akti i fundit i marrëzisë së Artan Lames me pronat shqiptare.

Kryeministri Edi Rama e shkarkoi ndërsa prezantoi sot kreun e ri të Kadastrës, Dallëndyshe Bici, e Artan Lame e vlerësoi shkarkimin si dhuratë për ditëlindjen që e ka nesër.

“Rezultatet janë të dukshme janë të prekshme! Por sot është koha për një shkëputje. Sot kemi një baze nga e cila mund të shkojmë me shpejtësi më tutje që është teknologjia. Koha të mbyllim përfundimisht të gjitha rrugët e kontakteve të drejtpërdrejta mes qytetarëve dhe Kadastrës. Duhen mbyllur të gjitha sportelet. Kadastra gjithë personeli duhet të hyjë mbrapa ekranit.

Duhet një bashkëpunim i ngushtë mes AKSHI-it. Duhet një bashkëpunim i ngushtë me Prokurorinë Speciale dhe sa i përket AMTP-ve që kjo nuk ka të bëjë drejtpërdrejtë me Kadastrën, por ka të bëjë me bishtat e pisllëkut dhe korrupsionit të të kaluarës që është nga koha e komunave që ka gjetur hapësirë edhe nëpër njësitë bashkiake dhe që prodhon edhe sot që flasim dokumente, AMTP që jepen tani dhe që pretendohet që janë dhënë në 1991-shin dhe 1992-shin, por natyrisht që e thashë që kjo është komplekse dhe është përtej institucionit vet” tha Edi Rama duke shtuar se në fokus të punës së drejtueses së re të Kadastrës do të jetë cilësia dhe shpejtësia në zbatim të ligjit, pra, arritje me të cilat kot mburrej Artan Lame.

“Do jetë cilësi dhe shpejtësi në zbatim të ligjit. Ne ju kemi premtuar njerëzve që do të kenë pronat e tyre të sigurta dhe shërbime pranë kadastrës do ti marrin pa lëvizur nga vendi vetëm nëpërmjet telefonit,” tha Edi Rama duke premtuar shërbime ndryshe të Kadastrës pa Artan Lame.

Nga ana tjetër, njeriu që shpesh dilte si idiot me uniformë, sot mori një rol të ri, atë të akuzuarit Hysni Kapo që respektoj vendimet e partisë! Madje drejtoi i shkarkuar i Kadastrës, Artan Lame, shkoi një hap tutje duke falënderuar Edi Ramën dhe shkarkimin duke e konsideruar si një dhuratë për ditëlindjen që e ka nesër.

“Para disa kohësh, në një emision thashë se Kadastra nuk përbën më lajm, në kuptimin që tashmë ka hyrë në rutinën e punës së saj të përditshme. Nga ana tjetër më dha një lloj trishtimi sepse jam mësuar me gjëra që kanë ritme të shpejta që kanë ndjesë. Kjo ishte një dilemë e imja, që ka pak kohë që më bren. Me gjithë problemet që ka 1.3 milionë shërbime të dhëna çdo vit në kadastër. E gjitha kjo ka në themel reformën e pronës.

Përtej kontributit që kanë persona të veçantë, kjo reformë nuk do ishte marrë kurrë pa Edi Ramën. Askush tjetër nuk do t’i kishte hyrë këtij qederi përveçse një njeri si ai. Unë nuk e kam vuajtur impostimin e tij në vendimmarrjet e mia.

Kemi diskutuar, kam dëgjuar, edhe kemi debatuar por në momentin pas kësaj kam qenë gjithmonë e lirë në vendimmarrjet e mia. Ky ka qenë një sektor që gjithmonë frynte sipas parasë ose politikës.

Kjo mos ndërhyrje e Kryeministrit në vendimmarrje ka pasur edhe një të keqe të vogël, që ka qenë se besimi i tij total tek ynë ka bërë që një pjesë e stafeve të mos ndiejnë që ka një sy nga lart që i shikon. Një pjesë e stafeve e ka ndier veten të pavarur. Çdo punonjës i juaji duhet ta ndiejë që është pjesë e qeverisjeje dhe ta pyesë mirë veten pas çdo tasti që shkruan.

I drejtohem të gjithë punonjësve të Kadastrës, kur nuk përton Kryeministri të më nisë mua ankesën e çdo qytetari, imagjinoni çfarë duhet të bëni ju,” tha Artan Lame duke përfunduar lëpirjen.

“Unë nesër kam ditëlindjen dhe pas 3-4 ditësh duhet të bëjë vizitat e asaj ngjarjes së shëndetit që pata para pak vitesh. E konsideroj këtë tërheqje edhe si dhuratë ditëlindje se vërtet duhet të kujdesem edhe pak për shëndetin.”