Edi Rama shkatërroi ekonominë, Basha: Ne do të sjellim shpresë. Kemi një plan konkret!

Për 8 vjet Kryeministri Edi Rama dështoi në çdo sektor dhe e shkatërroi ekonominë. Duke renditur faktet për situatën e krijuar nga Edi Rama, Kryetari i PD, Lulzim Basha, thekson se Partia Demokratike do të sjell shpresë për Shqipërinë dhe shqiptarët!

“Ju kujtohet kur Edi Rama premtoi uljen e kostos së shportës ushqimore. E kundërta ndodhi, çmimet e ushqimeve që na duhen për të jetuar janë rritur për 40 për qind, më të shtrenjtat në rajon. Gjysma e familjeve shqiptare jetojnë në varfëri. Nëse nuk e ndalim sot, Shqipëria do të përballet me një krizë urie,” thekson Lulzim Basha në reagimin e tij përmes rrjetit social Facebook duke e shoqëruar me një video ndërsa përfundon:

“Ne kemi një plan konkret, Ne do të rrisim punësimin, me paga dhe pensione më të mira, duke e bërë koston e jetesës të përballueshme!”