Edi Rama shpall qeverinë e re!
Kryeministri Edi Rama hodhi një lumë akuzash mbi qeverinë që drejtoi për 8 vjet por kjo nuk e pengoi që të rikonfirmoi shumicën e ministrave të po kësja qeverie. Ndoshta ky rikonfirmim vjen edhe nga fakti se Partinë Demokratike, Edi Rama para Asamblesë së PS, tha se nuk e konsideron rrezik ndërsa rikthej ministren e shkarkuar të Arsimit, Lindita Nikolla, tashmë në postin e Kryetares së Parlamentit.
“Shembull i padyshimtë në krye të çdo detyre, një shoqe e mirë dhe një politikane karriere, që është karakterizuar nga dëshira për dialog të edukuar me të tjerët,” tha Edi Rama duke publikuar emrin për njërin ndër postet më të rëndësishme kushtetuese në vend ndërsa vazhdoi me kabinetin qeveritar.
Për Arben Ahmetajn mund të vazhdojnë akuzat si nga opozita ashtu dhe vetë kolegët e tij, por Edi Rama ka vendosur ta gradoi në qeverinë e tij të tretë si Zv/Kryeministër.
Të gjithë habiteshin për zellin e Kryetarit të Komisionit të Ligjeve në legjislaturën e kaluar tër parlamentit, por sot habisë i vihet kapa sepse Ulsi Manja u shpërblye me postin e Ministrit të Drejtësisë.
Olta Xhaçka, Ministre e Jashtme, Niko Peleshi, Ministër i Mbrojtjes dhe Bledi Çuçi si Ministër i Brendshëm mund të arsyetohen në rikonfirmimin e tyre vetëm nëse kemi parasysh shijen e përçudnuar të Edi Ramës ndërsa rezultatet flasin për një tjetër realitet.
Askush nuk ka dyshuar në rikonfirmimin e Belinda Ballukut dhe Ogerta Manastirliut si ministre të Infrastrukturës dhe Shëndetësisë meqë ka kohë që flejnë në ekranet televizive dhe janë bërë pjesë e familjes së çdo shqiptari, pavarësisht se ai kishte bërë publik vetëm rikonfirmimin e Elisa Spiropalit si ministre e Shtetit për Marrëdhëniet me Parlamentin, me merita të veçanta.
Ministre Arsimi sërisht do të jetë Evis Kushi, ashtu si dhe Ministrja e Kulturës Elva Margariti ndërsa Mirela Kumbaros për merita të veçanta në vajtim brenda dhe jashtë parlamentit, i është dhënë posti i Ministres Turizmit.
Ndoshta Milva Ekonomi do të qetësohet pak si ministre për Standardet dhe Shërbimet meqë ishte angazhuar shumë me propagandën ndonëse fliste vetëm me shifra ndërsa Bujqësia i është besuar Frida Krifcës.
Ministre e Financave dhe Ekonomisë do të jetë Delina Ibrahimaj, ndërsa Sipërmarrjen, Edi Rama ka menduar ta Mbrojë me Edona Bilalin, e për Rininë dhe Fëmijët, ministria i është besuar Bora Muzhaqit.
Për ata q ë u befasuan pse Taulant Ballës nuk i është besuar asnjë post ministror, të emëruarit e sotëm e kanë të qartë se ai jo vetëm që do të vazhdoj të jetë Kryetar i Grupit Parlamentar por do të jetë kudo, si në Librazhd ashtu dhe në Toyota Yaris.
