Edi Rama shpëtoi Shqipërinë, bëri Lefter Maliqin deputet dhe…

Parlamenti i Shqipërisë ka duruar soje të ndryshme njerëzish, marangoz e teneqexhi, hetues dhe vrasës, kriminel dhe drogaxhi, dhe për të plotësuar pazëllin e degjenerimit parlamentar, Edi Rama futi edhe ca budallenj.

Parlamenti prej sot nuk është më turpi i kombit por rrezik kombëtar. Edi Rama pasi largoi opozitën, filloi procesin e krijimit të “Opozitës që Duam” duke detyruar ca deputetë që të zënë ulëset, dhe ky degjenerim shkon edhe deri në formën ekstreme duke i detyruar të çojnë edhe dy gishtat për të simbolizuar opozitën që don Raportuesi Knut Fleckenstein.

I tillë ishte sot Lefter Maliqi, i cili foli si opozitar vetëm për faktin se kishte zënë një mandat të Partisë Demokratike, duke harruar se çfarë kishte thënë atë ditë, kur u publikua lista për zgjedhjet parlamentare të vitit 2017 dhe kujt partie u betua më 31 Maj 2017 se do ti shërbente.

Por ja çfarë i kishte thënë partia mëmë të thotë Lefter Maliqi sot:

“Fati im që zura vendin e kryetarit me mandat të dhuruar, reshti i lënë bosh prej tyre do jetë plot.Të mos kujtojnë se do jenë më të mirë se ne. Demokratët të mos gënjehen më. Unë kam sakrifikuar bashkë me ta në protesta, 3 muaj shkova në çadër, ai na gënjeu dhe na mashtroi. Lidershipi me mandat të dhuruar mua sot ma ka dhuruar mua mandatin. I falënderoj banorët e djathtë dhe të majtë që më kanë mbështetur në sfidat politike,” tha me modesti Lefter Maliqi duke e mohuar faktin se ky është fat i gjithë Shqipërisë që konfirmon se çfarë njeriu të çmendur kemi kryeministrin kur fut në lojë edhe të tillë njerëz, dhe sqaron dilemën se kujt nuk duhet ti jepet vota për të shpëtuar përfundimisht Shqipërinë .

Dhe, Lefter Maliqi pa i lëviz qerpiku, i drejtohet demokratëve ashtu sikur se shefi i vetë, Robert Çamçakëzi i Tiranës, Durrësit dhe gjithë Shqipërisë:

 “Rasti im është rast ndryshe, i drejtohem demokratëve të mos gënjehen më por të ndryshojnë lidership. Në protesta nuk ngrihet Tirana, vijnë nga bashki përrreth, të ketë protestë e revoltë do të thotë të ngrihet Tirana. Gjithë kriza qëndron të lidershipi që siç gënjeu për listën e vendosi me familjen e vet, dhe pësoi disfatën më të madhe që ka marrë nga PS, po ashtu edhe në zgjedhjet vendore. Mandati im ka të bëjë me kthimin e dinjitetin dhe atë që më kishte borxh PD. Më kishte borxh edhe në zgjedhjet lokale kur humbi 5-0 zgjedhjet lokale në Berat. PD po bën të njëjtat gabime,” i cili ndonëse ishte ulur në karrigen e Lulzim Basha foli deri sa u lodhë sepse shoku Gramoz kishte frikë ti merrte fjalën siç bënte me liderin e opozitës ose në rastin edhe më të rëndë fare, Erion Braçes kur nuk ishte Zv/kryeministër.

Sot, për të gjithë ata që kanë dyshuar në shkrimin e “Rilindjes Demokratike” të datës 1 Qershor, pasi Lefter Maliqi njoftoi një ditë më parë se nuk do të pranojë të kandidojë për PD edhe pse kishte dorëzuar të gjithë dokumentacionin në PD që të ishte pjesë e listës së PD në vendin e tretë, se  ai është paguar 300 mijë USD nga kryesuesi i listës së PS-së në Qarkun e Beratit, Blendi Klosi ndwrsa flitej për një femër që ka bërë sekseren, gjykimi wshtw i lehtw.

Po si u divorcua nga PD, Lefter Maliqi. Ai përmes një postimi në rrjetin social Facebook më 31 Maj shkruante:

 “Sot unë shpall bashkimin e njerëzve të mi, socialistë dhe demokratë me Edi Ramën. Edi Rama nuk më ka asnjë borxh dhe do ti kërkoj vetëm të mos hyjë në borxh me njerëzit e mi siç hyri Lulzim Basha. Nëse do të bëjë për ta, hallall ka gjithçka që do bëj unë për të dhe PS në këtë betejë. Nëse Rama s’do të bëjë për ta, unë përsëri do të zgjedh njerëzit e mi dhe jo atë.”

Çfarë ka bërë Edi Rama për Otllakun dhe çfarë shkruan “Rilindja Demokratike” për vendimin e Lefter Maliqit më mirë t’ja lëmë lexuesit ta gjykoj, meqë nuk e ka të vështirë ta kuptoj pse ky polic nuk vesh uniformën por çon dy gishta për tu ulur në karrigen e Lulzim Bashës në mënyrë që ta ndihmoj Edi Ramën:

Nga RILINDJA DEMOKRATIKE

Përmes një statusi në Facebook, Lefter Maliqi pjesë e listës së PD në Berat ka njoftuar dje se nuk do të pranojë të kandidojë për PD. Vendimi i Maliqit vjen një ditë, pasi ai kishte dorëzuar të gjithë dokumentacionin në PD që të ishte pjesë e listës së PD në vendin e tretë.

Jo më larg se dy ditën më parë, Maliqi ka dorëzuar pranë PD formularin e dekriminalizimit dhe sot, një ditë pas dorëzimit të atij formulari në mënyrë të pabesë, Maliqi deklaroi edhe se do të bëhej me PS në fushatë. Pra, nga njëra anë është regjistruar në listën për deputet dhe menjëherë më pas ka deklaruar se do të mbështesë PS. Kjo është e padëgjuar në historinë e fundërrinave të politikës shqiptare. Eshtë një rekord më vete.

Po çfarë ka ndodhur gjatë këtyre 24 orëve, që Maliqi ka hartuar me kujdes planin si për t’u regjistruar në listën e PD ashtu edhe për t’u shitur tek Rama. Ajo çfarë ka ndodhur ka qenë pazari në mes të kësaj historie të pistë. Burimet konfirmojnë se Kryetarja e PS të Urës Vajgurore, Memaj, është bërë sekserja e një takimi mes Maliqit dhe Klosit. Klosi është kryesuesi i grupit të deputetëve në Beratit. Duke qenë se PS e ka të vështirë që të mund të fitojë në këtë qark, gjë që u provua dhe në zgjedhjet lokale, ku kandidati i majtë me vështirësi dhe manipulime mundi të sigurojë mandatin me 150 vota më tepër në fund të garës, atëherë ata kanë menduar se mund të funksionojë skema e blerjes së deputetëve që kanë pakënaqësi nga lista e PD. Duhet kuptuar se niveli i blerjes së votës në këto zgjedhje po kalon çdo parashikim, pasi nuk po blihen më vetëm votues, por tani po blihen edhe kandidatë për deputetë pa karakter.

Pazari për shitjen e Maliqit ka nisur prej ditësh, por ai ka mundur të konkretizohet gjatë orëve të fundit. Maliqi i konsideron votat e zonës ku kandidon sikur të jenë të tijat. Njerëzit për të konsiderohen si skllevër, të cilët i komandon ai vetë.

Disa pyetje përpara disa fakteve të reja për Maliqin. A përfitoi ai 300 mijë dollarët që të shesë votuesit në treg sikur të ishin skllevër?

A është kjo mënyra e reagimit të Maliqit si ajo e një tregtari skllevërish dhe jo njerëzve të lirë?
Maliqi duhet të dorëhiqet nga lista e PD dhe më pas, ai të mbajë qëndrimin që dëshiron në lidhje me zgjedhjet. Mirëpo, Maliqi nuk e bëri një gjë të tillë, pasi nëse do ta bënte atëherë do t’i iknin 300 mijë dollarët dhe kjo është pjesë e pazarit me Klosin./01.06.2017/