Edi Rama shpëton PD-në, e kthen Besart Kadinë në identitet. Prej sot…

Nuk ka më dilemë! Njeriu që promovonte revolucionin në Partinë Demokratike dhe ishte kundër protestave paqësore të opozitës ndërsa dyshohej mbi artikulimin komunist të ekonomisë politike dhe politikave fiskale ndonëse ishte Sekretar për Sipërmarrjen e Lirë në PD dhe anëtar i Këshillit Kombëtar, nuk ishte dhe nuk është pjesë e familje demokrate; Tashmë edhe zyrtarisht, pasi Kryeministri Edi Rama e emëroi Zv/Ministër të Financave.

Ndër demokratë masa e irritimit u shtua sot pasi ai ishte emëruar edhe Koordinator Kombëtar i PD ndërsa kërkonte agresivitet në veprimin politik, por fakt është se Partinë Demokratike nga Besarti e shpëtoi rivali i tyre politik. Pra, falemnderimet për kthimin e Besart Kadisë në identitet nuk i takojnë anëtarësisë së Partisë Demokratike, por vetëm Edi Ramës që e shpërbleu për veprimtarinë e tij nga “Opinioni” i Blendi Fevziut deri tek Samir Mane.

Ndryshe, për ata që nuk ndjekin Fevzon dhe janë indiferentë ndaj promovimeve të Çilit, Besart Kadia ka mbaruar studimet bachelor dhe master për Shkenca Politike dhe Ekonomike në Bristol University në Angli. Jo aftësimi por afërsia me pushtetin bëri që nga viti 2009 të zë vend edhe si pedagog në UET. Pse pedagog i Micro dhe Macroekonomisë, dhe doktoratura në UET mbi sfidat e tregut financiar në Shqipëri, dëshmon emërimi i sotëm në krah të ministres Anila Denaj, ushtare kjo e vjetër e çetës kriminale te “Koha Jonë” pavarësisht gjendjes mikro dhe makroekonomike të Shqipërisë, e cila nuk ka më treg me sfida por treg që përcaktohet nga oligarkët që paguajnë ekspertë të tipit, Besart Kadia!