Edi Rama s’ka as turp!

Rezultati i tre bashkive ku u zhvillua votimi elektronik tregoi se Kryeministri Edi Rama as që e ka menduar të zhvilloj zgjidhje të lira e të ndershme ndërsa pas 12 orëve tashmë është e qartë se Kryetari i PS jo që nuk bënë dot proces zgjedhor sipas rekomandimeve të OSBE-ODIHR por as sipas standarteve të Malit të Zi!

Por, tashmë është e qartë se përveç manipulator ai është një shtetar që nuk ka as turp! Pasi e la procesin zgjedhor pa opozitë, logo, kreun e koalicionit dhe komisioner, nuk ka OSBE as ODIH në botë që mund të sqaroj se si është e mundur që pas 12 orëve jo në Tiranë ku kanë votuar rreth 300 mijë vetë por as në Pustec nuk janë numëruar votat dhe në orën 8:00 të mëngjesit të sotëm raportohet se nga 8 kuti janë numërurar 7 përkatësisht 1.854 vota ku kandidati i PS ka marrë 1.184 vota ose 63.76 për qind!

Ndërkohë në zgjedhjet e fundit në Malit të Zi, që thuhet se drejtohej nga kontrabandisti më i madh në Ballkan, Milo Gjukanoviç, në zgjedhjet që u zhdilluan më 3 Prill të këtij viti morën pjesë 383 mijë votues dhe pas 150 minutash u numëruan të gjitha votat dhe ky “kontrabandisti” pranoi humbjen që pësoi!

Por çfarë ndodhi në Shqipërinë e euroatlantikut Edi Rama?!

Fillimisht për votimin elektronik në Kamzë, Vorë dhe Elbasan! Ndonëse u mor shumë në përdhosjen e figurës së kandidatit të Koalicionit Bashkë Fitojmë, profesorin e nderuar Luçiano Boçi, na tha se Rakip Suli ka bërë punë të shkëlqyer në Kamzë ndërsa Vora ishte bashki e falimentuar, rezultatet e votimit elektronik na thonë se shqiptarët na e dashkan më shumë atë të falimentuarën!

Pra, Rakip Suli i shkëlqyeri i Kryeministrit Rama mori 60.35 për qind të votave, ndonëse është e qartë jo vetëm nga Edi Rama, se jo në garë me profesorin Arjan Hoxha por me demokratin ma të lodhur nga Vermoshi në Konispol, Suli nuk fiton dot në Kamëz me zgjedhje të lira dhe të ndershme, çudia ndodhi se rezultat më bindës korri ai që nuk është i shkëlqyer dhe drejton bashkinë e falimentuar të Vorës, Blerim Shera!

Pra, mesazhi i Edi Ramës është se nëse një socialist drejton në mënyrë të shkëlqyer një bashki, merr 60 për qind të votave ndërsa nëse e falimenton atë merr 74 për qind të votave!

A thua shqiptarët janë kaq idiotë? Jo, kjo ska mundësi! Pse?!

Sërish ti kthehemi Malit të Zi ku votuan 383 mijë votues dhe Tiranës që votuan rreth 300 mijë votues! Pra, shteti që drejtohej nga “kontrabandisti” Gjukanoviç i dha rezultatet pas 150 minutave, dhe Tirana ku pretendohet se është ajka e kombit shqiptar dhe drejtohet nga Lali Eri “më i miri në Evropë” dhe ka numëruesit që deshi dhe ju hëngri zemrën, për 12 orë nga 941 qendra votimi janë numëruar votat e 371qendrave të votimit, dhe ai me shtabin e tij elektoral mburret që Lali na qenka në epërsi me 52.96 për qind!

Në fund, për treguar se çfarë zgjedhje menaxhon Edvin Kristaq Rama tregon rasti i Himarës! Infiltroi policinë për të konfirmuar nëse kandidati i opozitës po blinte vota ndonëse ishte ai i mazhorancës që akuzohej se blenë vota dhe e arrestoi!

Dhe, pasi kaluan 12 orë dhe u numëruan 22 qendra votimi nga 36, dhe kandidati i opozitës ishte në epërsi me 50.73 për qind të votave, rezultoi se numëruesit e Edi Ramës ishin lodhur edhe pse kishin numëruar vetëm 4.855 vota, numërimi i ndërpre dhe ata ikën në pushim!

A mjaftohet Kryeministri Edi Rama me reagimin e parë, kjo mbetet për tu parë!

Por, këto ndonëse mund të jenë zgjedhjet që i do Edi Rama dhe Partia e tij kriminale PS, këto nuk mund të jenë zgjedhje që i duan shqiptarët!

Për të ndjekur në kohë reale rezultatet e zgjedhjeve lokale të 14 majit, mund të kiloni KETU