Edi Rama, të lumtë bitha!
nga Agim Popoci
Në lumin e akuzave ndaj Edi Ramës për vjedhje dhe keqpërdorim të pushtetit me ppp-ra, tendera dhe bashkëpunim me serbët për të falur tokën shqiptare të Kosovës, nxjerr kokën nga ky ujë i pistë njëri prej familjeve më kriminale komuniste shqiptare, për ti bërë avokatinë Kryeministrit duke e shfajësuar për firmën e të atit që u pajtua me varjen e një “poeti periferik”!
Për ata që mendojnë se këtë nder ia kërkoi vetë Edi Rama gabohen rëndë! Ai nuk i kërkoi njeri që ta shajnë PD dhe Sali Berishën as në kohën kur u bë Ministër e Kryetar i Bashkisë Tiranë, as kur ulëriste si i çmendur në Sheshin Skenderbe “O Doktoooorrrr” dhe për dirigjent kishte Ilir Metën, as kur vodhi sërish zgjedhjet në vitin 2003 dhe këtë e konfirmoi në gjykatë Spartak Ngjela, as kur u “hetua” në Komision Parlamentar, as kur u bë Kryeministër sepse këta zvarranikë komunistë e kishin në gjak, paçka se Ilir Meta gjatë sundimit të tij i mësoi duke u dhënë edhe ca grusht me para!
Edi Rama merrej dhe merret me pronarët e mediave, e shërbëtorëve të tyre u dhanë rrugës edh eca leje ndërtimi, apartamente nga ndërtuesit ose dhe ndonjë kredi preferenciale nga bankat që operojnë në Tiranë dhe veten e quajnë “private”. Kur i pagëzoi me një emër “kazan”, Edi Rama nuk e bëri se nuk i duhen këta zvarranikë në të ardhmen, por tashmë i ka të komprometuar dhe u vë kapakun sa herë që i duhet. Por, kjo nuk i ndalon ata ti bëjnë avokatinë sërish edhe kur ky nuk e kërkon!
Kështu Andi Bushati dhe të ngjashmit mendojnë se Edi Rama bezdiset kur e quajnë bir krimineli! Kaluan 75 vjet dhe në asnjë moment nuk ndodhi një gjë e tillë ashtu siç nuk ndodhi me vetë Andin. Komunistët nuk bezdisen kur u sjellë argumente mbi krimet komuniste ama po tu thuash se Enver Hoxha ishte homoseksual të fusin thonjtë në fyt. Me këtë fanar ndriçues në dorë, vepron dhe Edi Rama!
Që nuk vjedhë Edi Rama, avokatinë i bëjnë hajdutët më të mëdhenj që ka përreth, dhe pa pikë turp nxjerrin kokën jo duke arsyetuar se sa bënë vërtetë një kilometër autostradë por sa bënte në kohën e Sali Berishës; Askush deri më sot nuk u përgjigj për përfitimet e atyre që PD i quan “oligarkë”, ama janë publikuar akuza pafund për bëmat e tyre gjatë qeverisjes së Saliut; Kështu dhe Andi nuk bëri avokatinë e krimit të babait të vetë, sepse për falje as që bëhet fjalë, kur u akuzua nga mamaja e viktimës, Mita Jakova, për krimin e Mehdi Bushatit, ama i bënë avokatinë krimit të Kristaq Ramës.
Pse se vuri firmën Kristaq Rama mbi mosamnistinë e Havzi Nelës, këtë më së miri e dinte Ramiza Alia që ishte gjallë para pak vitesh, kohë kur Ilir Metës nuk i interesonte ky krim sepse ishte bashkëpunëtor i Edi Ramës dhe jo pse bëhej fjalër për një “poet periferik”! Pse sot Andi i bënë avokatinë Kristaqit dhe Edit, këtë më së miri e dinë Stalinuci i Shqipërisë, të cilit deshën viktimat e komunizmit ose jo, i duhet pranuar shkathtësinë qeverisëse edhe në tokën e përmbytur në gjak nga etërit e tyre. Këtë, më mirë se Arshi Pipa askush nuk e përkufizon:
O bandill, të lumtë bitha!
Ajo i shpjegon të gjitha.
Ç’duhen dituri e mënd
kur njeriu ka fatin tënd?
Për ata që nuk e konsiderojnë fat edhe mund të kuptohen! Por, Dritan Dajti nuk mund ti bëjë avokatinë Genc Tafilit, ashtu siç nuk mund flas i biri i Mehdi Bushatit për krimet e Kristaq Ramës. Pse mburret Edi Rama me të atin nuk e bënë as më shumë dhe as më pak kriminel, Kristaqin, ashtu si rasti i Mehdi Bushatit; Ama, as Edi dhe as Andi nuk kanë moral të krijojnë opinion orientues shqiptar dhe as të qeverisin këtë vend, për derisa janë bijë kriminelësh!
Pse shqiptarët respektojnë recetat e orientimit politik të Andit dhe lejojnë të qeverisen nga Edi, vetëm për këtë nuk mund të fajësohen ndërsa situata krijuar sqarohet shumë mirë duke perifrazuar Arshiun e madh kur flet për Enver Hoxhën e vitit 1948:
Bukurosh të lumtë llapa!
Kush të pa që s’t’erdhi prapa!
Por harrove, o tungjatjeta:
Të shpëtoi Dymijeteta!
Pra, fatkeqësia jonë aktuale, Edi Rama, e betonoi të ardhmen e tij me ndryshimet kushtetuese të vitit 2008, dhe me ndihmën e Ilir Metës dhe pronarëve të Andit erdhi në pushtet, jo për të kërkuar falje për krimet e babait me shok, por për të realizuar ëndrrën që e kishin lënë në gjysmë etërit e tyre.
Ti Kosovën tregëtove,
Ti me Jugon më martove.
Shite mua dhe Kosovën,
Shite Jugon për Moskovën.
Kështu shkruante kohë më parë Arshi Pipa pa e ditur se ky popull do ta risjellë klonin e Enver Hoxhës në krye të Shqipërisë, për ta finalizuar tregtinë me Kosovën ashtu si dhe martesën me Serbinë, për siç tha vetë Rama, për të mirën e shqiptarëve!
Kështu, sot kur Klosi bënë avokatinë e Izetit, Saliu atë të Ilirit, Andi me zell mbronë Edin, shqiptarët nuk duhet të pyesin më veten pse Shqipëria është në këtë derexhe përderisa e mira ka turp dhe mbyll gojën përballë së keqes!
Pse Edi Rama akuzohet nga Ilir Meta dhe pse atij i bëhet avokatia nga Andi Bushati, nuk është rastësi! Këtu kemi të bëjmë me një ndërmarrje që vrau dhe po vranë shqiptarët, që vodhi dhe po vjedhë shtetin shqiptarë, dhe sot radhën e ka që në krye të kësaj ndërmarrje kriminale të jetë një njeri, që ne e kemi për hise ta kemi Kryetar të Këshillit të Ministrave dhe quhet Edi Rama.
Meqë historia po përsëritet, askush më mirë se Arshi Pipa nuk mund ta mbyllë këtë akt të dhimbshëm të historisë shqiptare, perdet e së cilës mund ti mbyllin vetëm ata që lejuan të jenë të hapura nga viti 1945; Kur vetë Ne dhe bota filluam dhe vazhdojmë të shohim dramën më të përgjakshme shqiptare, e cila për dramaturg, regjisor, skenarist ka shqiptarë:
Stalinuc i Shqipërisë,
Paç haram qumësht e sisë!
Paç mallkimin e një nëme:
Pizeveng, doç i satëme!
