“Edi Rama thyen heshtjen”/ Reagimi, Basha: Turp! Amniston përdhunuesin dhe kriminelët Taulant Balla e Rrahman Rraja

Pasi kryeministri Edi Rama theu heshtjen dhe mori në mbrojtje protagonistët kryesor të “operacionit të përdhunimit” të Xhisielës, përdhunuesin i biri i deputetit Rrahja, deputetin Rrahman Rrahja dhe shefin e tij Taulant Balla si dhe policinë që e mbuloi këtë akt makabër, ka reaguar ashpër kryetari i Partisë Demokratike, Lulzim Basha duke theksuar se ky njeri është i zhytur aq thellë në krim sa nuk ka më asnjë gram ndjeshmërie prindërore për një vajzë të përdhunuar dhe të torturuar nga banda e tij.

“Në vend që të mbrojë vajzën jetime, amniston përdhunuesin dhe kriminelët e grupit të tij parlamentar Taulant Balla dhe Rrahman Rraja, njësoj siç bëri me përdhunuesin Elvis Roshi dhe trafikantin e vajzave Arben Ndoka,” thekson Basha duke shtuar se krimi shtetëror është projekti personal i Ramës por opozita do ta çmontojë nga rrënjët ndërsa në fund premton:

“Politika do të pastrohet nga krimi!”

Postimi i plotë:

Edi Rama është i zhytur aq thellë në kalbësirën e krimit dhe drogës të pushtetit, sa nuk ka më asnjë gram ndjeshmërie prindërore për një vajzë të përdhunuar dhe të torturuar nga banda e tij.

TURP!

Në vend që të mbrojë vajzën jetime, amniston përdhunuesin dhe kriminelët e grupit të tij parlamentar Taulant Balla dhe Rrahman Rraja, njësoj siç bëri me përdhunuesin Elvis Roshi dhe trafikantin e vajzave Arben Ndoka.

Krimi shtetëror është projekti personal i Ramës. Ne do ta çmontojmë nga rrënjët! Politika do të pastrohet nga krimi