Edi Rama: Turp gazetaresk! Përgjigjet RAI 3…

Turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza, e quajti Kryeministri Edi Rama, reportazhin e transmetuar nga televizioni shtetëror italian, Rai 3, ku konfirmohet se Shqipëria jo vetëm që vazhdon të jetë Kolumbia e Europës por prodhimi i kanabisit është rritur 1200%. Nuk vonoi shumë dhe sot RAI 3 i pērgjigjet Kryemimistrit i cili jeton në botën e vet pa media kundër, duke i bērë tē qartë se burimet e tyre konfirmojnë shifrat që kanë nxjerrë dhe policia shqiptare që i mohon ende nuk ka shifra zyrtare.

“Folëm për BREXIT, por ka edhe nga ata që duan të hyjnë në Europë, Shqipëria. Por unioni i kërkon të bëjë hapa përpara në luftën kundër krimit të organizuar dhe korrupsionit. Në udhëtimin tonë atje ne kemi folur për një rritje masive të plantacioneve të marijuanës, numra që policia shqiptare i mohon, por ndryshe nga e kaluara nuk ka nxjerrë të dhëna zyrtare. Ne, në bazë të burimeve tona, i konfirmojë shifrat qe kemi nxjerrë. Sot do të shohim se si Shqipëria kërkon të afrohet me standardet evropiane në sektorë të tjerë që janë drejtësia dhe liria e shtypit,” thekson RAI 3 nē përgjigjen drejtuar Kryeministrit Edi Rama, shqiptarit të vetëm që nuk e sheh Shqipērinë me drogë.

Ndryshe, pas transmetimit tē reportazhit nē RAI 3 i cili ishte tronditës për çdo shqiptar dhe jo vetēm, me të dhënat kriminale qē iu servirën, Edi Rama bëri një reagim banal siç din vetēm ai të bëjë:

“Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza! Uroj që partnerët tanë të shkëlqyer ta thonë vetë pa humbur kohë të vërtetën,” tha Rama pērmes rrjetit social pasi u transmetua reporpazhi për të publikuar mbrēmjen e së enjtes një deklaratë që sipas tij ishte bërë në një takim të zyrtarëve të ministrive të Brendshme të të dyjave vendeve.

“Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnē përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike.”