Edi Rama u zgjua i lagur!

nga Agim Popoci

Marrëveshjes për Reformën Zgjedhore të 5 Qershorit, Kryeministri i Shqipërisë i bëri atentat përmes llumit opozitar, që ai e quan “opozita parlamentare” por nuk e  la të vdekur në vend edhe pse e bëri me njerëz të pamoralshëm par excellence.

Ndonëse mbrëmë me “dështimin” e takimit 80 minutësh u krijua ideja se Edi Rama do të realizon qëllimet e tij, sot, Komisioneri për zgjerimin e BE, Olivér Várhelyi, ndërsa prezantoi përmbajtjen e draft-kuadrit për hapjen e negociatave të anëtarësimit me Shqipërinë, përparim të veçantë që bëri Shqipëria në përmbushjen e kushteve që duhen plotësuar para Konferencës së parë Ndërqeveritare, e quajti, marrëveshjen ndër-partiake për Reformën Zgjedhore, me pjesëmarrjen e të gjitha partive politike, brenda dhe jashtë parlamentit.

Kjo, tha Komisioneri Várhelyi, tregon përkushtim, dëshmon gjithashtu se Shqipëria po jep rezultate edhe në kohë nga më të vështirat ndonëse kishin kaluar mbi 15 orë që Edi Rama i tha shqiptarëve se nuk arriti marrëveshje me llumin opozitar për t’i dhënë votën marrëveshjes së dakordësuar në rezidencën amerikane mes mazhorancës dhe opozitës.

Si do të zgjidhet kjo situatë! Në pamje të parë edhe mund të quhet ngatërresë, por  prezenca e këtij llumi opozitar në Parlamentin e Shqipërisë është në shkelje të ligjit, dhe ata që shkelin ligjin dihet se ku e kanë vendin, dhe nuk lejohen të bëjnë ngatërresa. Ata ishin në listat e PD përkatësisht LSI, por shkërmoqja e sistemit të drejtësisë dhe nxitimi i Edi Ramës bënë që shumica prej tyre të marrin mandatin në mënyrë të paligjshme paçka se Presidenti Ilir Meta e quan edhe parlament të paligjshëm.  

A ka përgjegjësi ligjore Edi Rama që u përdhos tempulli i ligjit?! Jo, dhe këtë e kishte të qartë edhe vetë Rama kur u fut në gjumin e thellë para paligjshmërisë për ti arritur synimet e veta edhe me këtë llum opozitar që tradhtoi shtëpinë e vet!

Dhe, ja zgjidhja! Sot, Edi Ramës i duhet vetëm të zgjohet nga gjumi, jo për të thënë nëse Zoti i kishte plotësuar dëshirën dhe ia kishte bërë ëndërr. Jo, jo! Me këtë llum opozitar që miratoi ligjet më kriminale në historinë e parlamentarizmit, Edi Ramës i duhet të zgjohet nga gjumi, dhe tu thotë se kaq ishte loja, ti lajnë sytë dhe të presin ëndrrën e radhës kur ndonjë parti ka nevojë edhe për njerëz të këtij niveli mizerabël!

Ky fund komik vërtetë u bë i paparashikueshëm kur nga goja e llumit opozitar, mbrëmë përveç listave të hapura dhe eliminimit të koalicioneve parazgjedhore, doli edhe depolitizimi i administratës zgjedhor si pikë e panegociueshme! Por, jo, sot!

Të paparashikueshëm nuk e bëri fakti se nga goja e tyre doli “depolitizimi i administratës zgjedhore”, por këta analfabetë politik dhe jo vetëm, pavarësisht se janë në shërbim të Edi Ramës të paktën duhet të ndjekin lajmet për të kuptuar se depolitizimi i administratës zgjedhore është diskutuar për shumë kohë, dhe si çështje mori zgjidhje duke mos u futur në zgjedhjet e ardhshme parlamentare.

Do ta bëjë këtë depolitizim Edi Rama se s’bënë, kjo është ëndërr e tij dhe e llumit opozitar, por Kryeministri duhet të zgjohet nga gjumi!

Këtu nuk kemi të bëjmë me Teatër Kombëtar dhe shembjen e tij! Mbi Marrëveshjen e 5 Qershorit për Reformën Zgjedhore janë hedhur firmat, dhe llumi opozitar duhet ta kuptoj se nëse ia hodhën një herë PD-së dhe LSI-së duke mos hedhur firmat, ky rast ndryshon sepse edhe përfaqësuesi i tyre ka hedhur firmën. Nuk është konsultuar përfaqësuesi i tyre në Këshillin Politik me kokat e llumit të kombit ose kishte presion, ky nuk mund të jetë problem i Opozitës së Bashkuar, dhe nuk mund të ndryshoj asgjë në të ardhmen.

Nëse nuk e respekton Marrëveshjen e 5 Qershorit ky llum opozitar sepse firmën e hodhi Rudina, atë nuk e bënë më të besueshëm por shumë më llum; Nesër ai mund të mos e pranoj Marrëveshjen e radhës sepse nuk e hodhi Rudina!

Sot nuk është koha të bëhet dezinfektimi i Parlamentit të Shqipërisë sepse nuk është shpikur dezinfektues i tillë që pastron këtë kategori njerëzore të mbaruar njerëzish që nuk respektojnë as vetën tyre!

Sot është koha të zgjohet Edi Rama dhe të ndërpres një orë e më parë këtë lojë të shëmtuar që luan me llumin opozitar dhe në dëm të shoqërisë,  pavarësisht nëse dëmton ose jo, Lulin dhe Monën!

Po si do të zgjohet Edi Rama?! Tashmë është e qartë, i lagur, se s’bënë! Kush flenë me bebe zgjohet i lagur!