Edi Rama: Vaksinimi nis sot në orën 15:00. Unë do ta bëjë vaksinën për arsye se…

By Pa frike Last updated Jan 11, 2021 595

Kryeministri Rama bëri të ditur sot se vaksinimi kundër COVID-19 do të nis sot në orën 15:00 dhe ai do ta bëjë sot vaksinën jashtë radhe në shenjë sensibilizimi për të gjithë skeptikët ndërsa kabineti qeveritar do të presin radhën si gjithë të tjerët.

“Ne e kemi edhe zinxhirin ftohës, pasnesër do te bëjmë publik me pamje vendin mënyrën e ruajtjes, të gjithë procesin në mënyrë që të jemi tërësisht transparent dhe për të treguar se gjithçka është e mirëpërgatitur. S’jemi as më të pasurit as më të zotët në këtë luftë, por s’jemi prapa askujt. Kjo është një arsye për të qenë krenarë duke filluar për vijën e parë, mjekë e infermierë që janë ekspertë.

Sigurisht që do ta bëjnë ata që janë në vijën e parë të parët, unë do ta bëj vetëm për të dhënë mesazhin e qartë që jo vetëm është e sigurt por edhe arma asgjësuese e këtij armiku të padukshëm, dokrrat me çipa e manipulime të geneve e transformime të ilirëve në vikingë apo aziatikë janë qesharake. Do ta bëj sot siç e kanë bërë edhe kolegë të mijtë do ta bëj dhe unë. Ndërsa ministrja e të tjerë s’kanë si hyjnë e marrin atë që ju takon mjekëve infermierëve, policëve dhe të shëruarve,” tha Edi Rama duke sqaruar pse do ta bëjë sot vaksinën:

“Nuk do dëshiroja t’i zija radhën askujt, por do ta bëj sot vetëm për këtë arsye. Vaksina nuk është e detyrueshme, po është është e këshillueshme sepse është arma që mbron njeriun nga ky armik.”

Plani i vaksinimit ndaj COVID-19, Manastirliu: Sot nis për mjekët dhe infermierët

Duke prezantuar planin e vaksinimit ndaj COVID-19 në Shqipëri, Ministrja e Shëndetësisë, Ogerta Manastirliu, tha se sot fillon vaksinimi për mjekët dhe infermierët si më prioritarët brenda sistemit shëndetësor.

Prioritarë gjatë vaksinimit, tha Manastirliu do të jenë dhe të moshuarit që jetojnë në institucionet e kujdesit shëndetësor apo shtëpitë e të moshuarve. Për këtë arsye, në Shqipëri do të ketë një vaksinim të kombinuar që do të përfshijë njëkohësisht disa grupe të riskuara.

”Më lejoni t’ju bëj prezent planin e vaksinimit. T’ju prezantoj me punën intensive të bërë nga ekspertët, gjithashtu dhe nga dy komitetet e vaksinimit dhe imunizimit. Këto komitete kanë ekspertët më të mirë të imunizimit, kanë bërë një ekspertizë të imtësishme. Kanë studiuar planet, parametrat dhe sigurisht në bazë të standardeve më të mira kanë bërë planin. Përfshin disa aspekte.

Prioritet grupet që vaksinohen

Personat në përballje të përditshme me COVID-19, punonjësit e shëndetësisë, mjekët, infermierët, epidemiologët, urgjenca. 23 mijë bashkë me personelin mbështetës, mjekët e infermierët do jenë të parët që do vaksinohen. Vaksinimi i tyre fillon sot, dhe do shtrihet sipas kapaciteteve.
Punonjësit në reanimacion, urgjenca e më tej.
Prioritarë janë personat e moshuar dhe ato me probleme shëndetësore, ku në fazën e parë planifikojmë punonjësit shëndetësorë, por kemi vaksinim të kombinuar. Të jemi shumë specifikë në ato grupe që kanë nevoja urgjente. Planifikojmë që personat në azile dhe kujdesit shëndetësor të vijojë vaksinimi paralelisht.
170 mijë persona, të moshuarit mbi 75 vjecc

Vaksinimi do të bëhet në qendra të posaçme. Kemi bërë këto post-stacionet. 60 poste vaksinimi vetëm këtu, që kanë parashikuar të gjithë elementët e sigurisë e cilësisë, bashkë me vaksinatorët. Kemi marrë masat që të gjithë vaksinatorët të jenë të trajnuar për Pfizer/BioNTech.

Pikat tona të vaksinimit, do të vijojnë në Shkodër e Vlorë. Mbi bazën e vlerësimit vlerësojmë se në disa muaj do përfundojmë vaksinimin e grupeve prioritare. Në arenën kombëtare prej mbi 60, sipas asaj që nevojitet.

Nuk do të ketë vetëm në Tiranë, Shkodër, Vlorë e më tej. Do të ketë kartë vaksinimi, që do të ketë të gjitha të dhënat,” tha Manastirliu.

Rama: Sot kemi 975 doza! Shteti që i dhuroi ka kërkuar konfidencialitet

Dozat e vaksinës ia ka dhënë një vend i BE, i cili i ka kërkuar konfidencialitet, dhe një nga arsyet se pse e ka bërë këtë dhuratë është sepse kryeministër është Edi Rama.

Vendet kanë rendur të bëjnë ccka munden me parimin secili për veten, zoti për të gjithë. Këtë ka bërë BE. E papranueshme moralisht, ndërkohë që X vend merr X doza dhe i mban aty se s’mund të bëjë vaksinimin me shpejtësinë që të ezaurojë dozat që ka, ezauron jo të gjitha. Fare mirë mund të linte një pjesë sado të vogël për vendet e rajonit.

Nga të gjitha këto, 6 vende do marrin dozat për mjekët e infektivit. Ne nuk jemi të fortë si BE, por nuk i kemi sot të gjitha dozat për të gjithë mjekët e Shqipërisë, edhe po t’i kishim nuk do i bënim të gjitha.

Sa i përket zhdoganimit, procesi ka filluar të premten dhe sot në orën 09:00, është kryer si proces për hapat që janë kryer. Sepse vendi që na i ka dhënë vaksinat ka kërkuar konfidencialitet. Shpresoj të kem mundësi më vonë ta them, para gjithë shqiptarëve. E kërkojnë të gjitha vendet. Nëse një vend sot e bën këtë për Shqipërinë, nuk dëshiron për të tjerat. Pse e bën për Shqipërinë? S’më takon mua, por është një ndër arsyet është që keni Edi Ramën kryeministër,” tha Edi Rama duke abuzuar sërish me Kosovën ndonëse i ka vetëm 975 doza:

“Ne këto që kemi, një pjesë ja çojmë Kosovës. Ne nuk jemi në kushtet të harrojmë që në rradhët e parë të jemi njerëz. Në rradhë të parë jemi njerëz. E para është solidariteti. Kështu që në këtë situatë kemi bërë mirë, përjashto Serbinë që ka vepruar në të njëjtën mënyrë nuk janë në gjendje të fillojnë dhe skanë qartësi kur do fillojnë. Kosovën nuk e lëmë vecc. Nuk aj zgjidhim dot hallin. T’ja qajmë hallin jemi të detyruar. Jemi natyrshëm të prirur ta bëjmë.”