Edi Rama: Valdrin ik!/ Reagimi, PD: Lojës me larje duarsh i ka ardhur fundi!
Jo Valdrini, po vëllai im të jetë, s’ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Kështu i dha fund Kryeministri Edi Rama dashurisë me trafikantin Valdrin Pjetri të cilin e kishte kandiduar për Kryetar të Bashkisë Shkodër edhe pse ishte në dijeni për të kaluarën e tij kriminale. Por pas këtij “reflektimi” të Edi Ramës që pasoi publikimin e dokumenteve nga Partia Demokratike, sërish reagon PD përmes Sekretarit të Përgjithshëm, Gazment Bardhi duke i bërë të qartë se lojës me larje duarsh i ka ardhur fundi!
“Heshti për 11 ditë dhe tani po përsërit filmin që kemi parë me Elvis Roshin, me Arben Ndokën, me Mark Frrokun, me Armando Prengën, me Artur Bushin, me shume edirama kriminelë të veshur me pushtet. Valdrin Pjetrin e emëroi Edi Rama, nuk u bë vetë as drejtor hipoteke, as prefekt, as kandidat për Kryetar Bashkie. Lojës me larje duarsh i ka ardhur fundi!” thekson Gazment Bardhi duke përfunduar:
“Edi Rama është damkosur si kryeministri që promovoi krimin në parlament, qeveri dhe bashki.”
Pas Elvis Roshit, Arben Ndokës, Mark Frrokut dhe Armando Prengës, Vladrin Pjetri është krimineli i radhës i promovuar dhe i ngritur në majat më të larta të politikës rilindase nga Kryeministri dhe Kryetari i PS, Edi Rama, që ka rënë në rrjetën e Dekriminalizimit me anagzhimin e Partisë Demokratike!
Ja statusi i plotë:
Heshti për 11 ditë dhe tani po përsërit filmin që kemi parë me Elvis Roshin, me Arben Ndokën, me Mark Frrokun, me Armando Prengën, me Artur Bushin, me shume edirama kriminelë të veshur me pushtet.
Valdrin Pjetrin e emëroi Edi Rama, nuk u bë vetë as drejtor hipoteke, as prefekt, as kandidat për Kryetar Bashkie.
Lojës me larje duarsh i ka ardhur fundi!
Edi Rama është damkosur si kryeministri që promovoi krimin në parlament, qeveri dhe bashki.
