Edi Rama vazhdon me kaosin parlamentar, Paloka: Diktatorët një fund kanë. Lërini që shefin tuaj…

Kryeministri Edi Rama edhe sot nuk la shenja të aromës konsensuale me opozitën dhe krijoi kaos që në hyrje të parlamentit ku edhe ata deputetë opozitarë që nuk janë në mesin e 23 të dënuarve nga ky regjim nuk u lejuan të futen në seancë në një normalitet; Tension i cili vazhdoi edhe kur deputetë opozitarë u futën me shumë vështirësi në seancë, në rrugë alternative.

Kur u konstatua se ka kuorum për të nis senaca dhe arsyeja se pse bedelët e Lulzim Bashës erdhën në seancë që me lindjen e diellit, seanca nisi me heqjen nga rendi i ditës të Lojërave të Fatit nga Kryetarja e Parlamentit ndërsa Kryetari i Këshillit Kombëtar të Partisë Demokratike, Edi Paloka kishte një mesazh konkret për Kryeministrin Edi Rama:

“Në ’91 isha në grevë. Nga një televizor ndiqnim ç’bëhej në Tiranë. Më tej erdhën qytetarët që kishin tërhequr diktatorin zvarrë, doja të bëja foto me copat e diktatorit. Nuk arrita sepse i kishin copëtuar dhe i kishin përmjerë dhe qelbte erë.

Ky që mendon sot se është i fortë se ka arrestuar Berishën dhe ka përjashtuar opozitën, ta ketë të qartë se nuk e di se kur por jam i sigurt se kur t’i vijë dita edhe ai era shur*ë do të bjerë. Edhe ju që i shkoni pas mendoni fundin që do t’i vijë,” tha Edi Paloka duke përfunduar:

Zonja Nikolla, ky nuk është Parlament. Vetëm pamja flet boll për ata që duan të shohin e të dëgjojnë. Nëse ju gënjen mendja se kështu do të ecni në rrugën tuaj, e keni gabim.

Diktatorët një fund kanë. Lërini që shefin tuaj ta mbulojë shurra, mos i shkoni pas..”

Ndryshe, seanca e sotme plenare arriti rekordin duke zgjatur plot 21 minuta e 40 sekonda ndërsa u miratuan 14 pika të rendit të ditës me përjashtim të “Lojërave të fatit” që pret momente shumë më kriminale.