Edi Rama vazhdon traditën, në pikun e sezonit turistik Vlora, Radhima dhe Orikumi pa drita

Edi Rama ka premtuar zhvillimin e turizmit në Shqipëri në mënyrë që  t’ja kaloi edhe Kroacisë, por, siç duket stafi i tij që kujdeset për turizmin ka ngatrërruar hartën e Gadishullit të  Ballkanit me ndonjë gadishulli të pabanuar, ku gjithsesi duhet të  ketë më  shumë turist se sa në Shqipërinë e rilindur.

Sidoqoftë, nuk është punë hartash por punë tradite. Edi Rama për një gjë nuk do ti tradhtojë operatorët turistik, ata duhet të jenë të sigurt se gjatë qeverisjes së tij, gjithmonë në pikun e sezonit do të kenë “investime” në nënstacione, pra, ndërprerje dritash pa diskutim.

Kështu pas terrorit të turistëve në Velipojë, qeveria e Ramës do të kujdeset që ti prishë rehatinë edhe turistëve në Vlorë, Radhimë dhe Orikum duke i lënë për tre ditë pa drita

Operatori i Sistemit të Transmetimit, OST, ka njoftuar zyrtarisht se në kuadër të projektit për ndërtimin e Nënstacionit të ri të Orikumit 110/35/20kV,  do të vendosë një shtyllë të re në datat 7 – 9 Korrik.

Për rrjedhojë, do të stakohet linja 35kV Uji i Ftohtë – Radhimë, për t’i hapur rrugë ndërhyrjes në rrjet.

Punimet do të zhvillohen gjatë intervalit kohor 04:30 deri në 05:30 të mëngjesit për të evituar sadopak impaktin e mungesës së dritave në zonat si më poshtë:

Radhimë, Tragjas, Dukat, Fshat Dukat, Llogara, Jonufër, Orikum dhe Shën Thanasi.