Edi Rama zhvlerësoi Dekretin/ Përgjigje, Meta: Konferencë e jashtëzakonshme në orën 16:00

Pas fushatës denigruese që i bëri Edi Rama figurës së Presidentit të Republikës, si përgjigje ndaj Dekretit të Presidentit përmes së cili anuloi datën e zgjedhjeve 30 Qershor, kur zhvlerësimin e këtij Dekreti e bëri publik madje edhe Denar Biba në KQZ duke shkelur rëndë Kushtetutën, dhe vendimit të sotëm të Konferencës së Kryetarëve për një debat 5 orësh i cili do të finalizohet me një Rezolutë ku vlerësohet lartë paligjshmëria e Bibës me shokë në KQZ ndërsa Presidentit, “Kuvendi i Shqipërisë i bën thirrje të reflektojë duke kthyer institucionin e Presidentit në kufijtë e kompetencave të njohura nga Kushtetuta dhe të mos ndërmarrë asnjë veprim tjetër në shkelje flagrante të Kushtetutës”, Presidenti i Republikës ka paralajmëruar një përgjigje për gjithçka çfarë ndodhi pas Dekretit të tij, duke njoftuar për një Konferencë të jashtëzakonshme për shtyp në orën 16:00:

“Presidenti i Republikës Sh.T.Z Ilir Meta do të zhvillojë sot një konferencë për shtyp në ora 16:00, në ambientet e Institucionit të Kreut të Shtetit,” njofton Presidenca deri sa tonet dhe gjuha e denigrimit të figurës vazhdon edhe me mediat që Edi Rama i ka hipotekuar me mendje dhe reklama.