Edi Ramën nuk e do as llumi opozitar, e braktisin për Kodin e ri Zgjedhor

Kryeministri Edi Rama është në gjendje të mjerueshme përkundër politikës parlamentare që sajoi me llumin opozitar. Sot edhe llumi opozitar e braktisi, duke lënë mbledhjen e Komisionit të Ligjeve ku po diskutohej Projektligji për Kodin e ri Zgjedhor.

Pasi i lanë të vetmuar, Damjan Gjiknurin me shokë, Myslim Murrizi u shpreh se opozita parlamentare kërkon hapje të listave 100 përqind, ndërsa Ralf Gjoni tha se nuk bëhet fasadë e maxhorancës.

“Kërkuam kohë dhe maxhoranca pranoi. Do diskutojmë me detaje draftet. PD dhe LSI kanë kërkuar lista të hapura. Nuk paragjykojmë se cilin draft duhet të diskutojmë, edhe i Bashkimit Sovjetik të jetë e diskutojmë. Nesër është Festa Kombëtare e Kinës e kam hall se mos e anulojnë,” tha Murrizi ndonëse ishte fbajraktari i kundërshtimit të bojkotimit parlamentar ashtu si dhe kolegu i tij nga llumi opozitar, Ralf Gjoni i cili shtoi:

“Edhe ne vendosim të ikim nga mbledhja, sepse ne ndjejmë se maxhoranca nuk do që të hapë listat. Ne do i qëndrojmë deri në fund kërkesës për hapje të listave. jam dakord me z. Murrizi, që çfarë do lloj drafti të jetë do e diskutojmë. Nuk mund të jetë situata si në filmat e Indisë me dajre e lodra. Ne nuk bëhemi fasadë e kësaj maskarade.”

Ndryshe, Edi Rama pa llumin opozitar është kulmi i politikbërjes keqbërëse komuniste, që pasqyron konfliktin edhe me shërbëtorët e tij opozitar që i mundësuan qëndrimin në pushtet dhe shkatërrimin e vendit.