Edi Ramën nuk e duan as socialistët, vetëm 0.3 % e mbështesin!
Që Edi Rama nuk gëzon mbështetje ndër qytetarë ky nuk është ndonjë sekret por që nuk gëzon mbështetje as ndër rilindasit e tijë që e ndjekin me detyrim në rrjetin social Facebook, aty ku është buka dhe gjella e politikës së Kryeministrit Edi Rama, kjo është më shumë se lemeritëse. Aq më e frikshme situata bëhet kur vetë Kryeministri më shumë i beson realitetit në Facebook se atë që shikon nga dritarja.
Po çfarë thotë ky realitet!
Edi Rama është investuar dhe investohet shumë në rrjetet sociale, por Fjalimi i tij në Parlament dëshmoi se ai nuk e ka mbështetjen e socialistëve as për “30 Qershorin” dhe as për shkarkimin e Presidentit të Republikës.
Sapo ka hapur sytë, ai ka bërë dje një njoftim që do të mbajë një fjalim në orën 12:00:
Por paraqitja e tij në foltoren e Parlamentit edhe 4 orë pas këtij anonçimi rezulton se nuk ka zgjuar interes tek 1.167.139 ndjekësit që ka në Facebook dhe propaganda e këtij njeriu që ka suport televizionin kriminal ERTV.
Duke e pasur parasysh se administrata është e detyruar të bëjë pëlqimin “like” dhe shpërndarjen “share” të çdo gjëje që broçkullisë Edi Rama, dhe duke mirëkuptuar vapën e mesditës, morëm statistikat pas 10 orë të fjalimit të tijë që shpjegon edhe tërbimin e mëngjesit të Kryeministrit lartë e poshtë në Librazhd dhe jo vetëm:
Pra, ndonëse ka mbi 1 milion ndjekës, Fjalimin e tij, siç shihet e kanë shikuar 78.000 socialistë por ama e kanë pëlqyer vetëm 4.200; Për të qenë të sinqertë me lexuesit, meqë 1.700 i kanë bërë edhe share, presupozohet se këta kanë zbatuar urdhërin e partisë dhe janë pjesë e administratës, “pëlqe dhe shpërndajë” dhe rezulton:
-Nga 1.167.139 ndjekës sa ka Edi Rama në Facebook vetëm 2.500 socialistë e mbështesin datën e zgjedhjeve “30 Qershor” dhe shkarkimin e Presidentit të Republikës për të cilin ai foli në një fjalim të mërzitshëm.
Dhe, në fund, nga rezultati i ushtrisë së propagandës që ka në dispozicion dhe “Trurin Fuga”, rezultati i Edi Ramës në këtë drejtim është lemeritës ashtu si edhe qeverisja e tij:
-Nga 1.167.139 ndjekës sa ka Edi Rama në Facebook, të mos i lëvizim edhe ata të administratës meqë e kanë kryer me zell detyrën e Partisë, vetëm 4.200 ose 0.3 % e mbështesin datën e zgjedhjeve “30 Qershor” dhe shkarkimin e Presidentit të Republikës për të cilin ai foli në një fjalim, që rezultati nuk mund të jetë ndryshe për një popull normal.
Reagimi i Edi Ramës pas këtij dështimi dhe ndaj mikëpritjes që i bënë në Librazhd ata për të cilët Kryeministri Edi Rama vetë e ka thënë në Letrën që iu drejtua se “Unë nuk jam ai që ju doni të shihni në krye të vendit. Nuk më keni votuar dhe sot nuk ju kërkoj të më votoni…” arsyeton shumë gjëra madje edhe dhunën që “dhuron” në emër të rendit të dhe qetësisë publike.
Por deri kur duhet të lejohet ky njeri të “dhuroj” dhunë kur shifrat janë kokëforta dhe tregojnë se dhuna përdoret sepse 0.3 % të socialistëve i është prishur rendi dhe qetësia publike; Dhe, të gjithë të tjerët nuk e mbështesin këtë dhunë sepse rendin dhe qetësinë publike ua prish Edi Rama.
Në fund, pse nga “1 milion shuplaka” Edi Rama sot gëzon mbështetjen e 4.200 socialistëve, atë vetëm Edi Rama e di, ai ka qeverisë me këtë vend që e varfëroi aq shumë sa edhe socialistët që nuk kanë turp tashmë skuqen.
