Edi Ramës i ngushtohet laku, Departamenti i Shtetit i gatshëm ta ndihmoj Belinda Ballukun
Derisa laku i Kryeministrit Edi Rama sa shkon e ngushtohet çdo minutë ndërsa ai vazhdon me apologjitë e tij në Facebook, SPAK është gati ta firmos fletë arrestin për ish-zv/kryeministrin Arben Ahmetaj, ndërsa Departamenti amerikan i Shtetit pret në takim Zv/Kryeministren aktuale, Belinda Balluku!
“Gabriel Escobar dhe skuadra e tij janë të gatshëm të ndihmojnë në zgjidhjen e situatave dhe mbarëvatjen e reformave dhe proceseve jetësore për vendet e Ballkanit Perëndimor. E sigurova që Qeveria Shqiptare është e fokusuar plotësisht për përmbushjen e angazhimeve të marra dhe mbi të gjitha jemi koshient për rolin e rëndësishëm që duhet të luajmë në rajon dhe shembullin e mirë që duhet të japim,” tha pas takimit në Departamentin amerikan të Shtetit me të dërguarin e SHBA për Ballkanin Perëndimor, Gabriel Escobar, Zv/Kryeministrja dhe ministrja e Infrastrukturës dhe Energjisë, Belinda Balluku.
Linjat e vjetra të partisë në pushtet theksojnë se kemi të bëjmë me një sinjal të qartë të ngopjes së Amerikës me Edi Ramën e pavendosur, ndërsa ata më vigjilentë e konsiderojnë dhe moment të artë të mbesës së Beqir Ballukut që të hakmerret ndaj partisë që i degdisi gjyshin!
Në këtë mision, ajo ka të gjitha parakushtet, madje ndryshe nga Beogradi zyrtar i vitit 1946 që e cilësonte gjyshin e saj të trashë dhe sugjeronte largimin e tij, mbesa e tij Bela është e pëlqyera e Serbisë, në veçanti pas drejtimit të sektorit të Energjisë!
A mund të reagoj Kryeministri Edi Rama! Pas kësaj vizite të Zv/Kryeministres Balluku, është shumë vonë, ashtu siç është vonë sot të shpëtohet nga SPAK, Damian Gjiknuri dhe Erion Veliaj!
