Ekipi i ri i Bashës, Alfred Rushaj Nënkryetar i PD dhe Kryetar i Gr.Parlamentar! Ja emrat tjerë…

Një ditë para mbledhjes së Këshillit Kombëtar të Partisë Demokratike, PaFrikë.al mëson emrat e ekipit të ri të Kryetarit të PD, Lulzim Basha, që pritet të votohen.

Risi e madhe është Nënkryetari i ri PD dhe Kryetari i Grupit Parlamentar do të jetë Alfred Rushaj ashtu si dhe Sekretari i Përgjithshëm i dështuar i cili pritet të konfirmohet Gazment Bardhi.

Drejtuesi politik i Qarkut të Fierit, Enkelejd Alibeaj, do të jetë kandidatura e PD për nënkryetar të Parlamentit, dhe njëkohësisht nënkryetar i PD ndërsa Edi Paloka do të propozohet për Kryetar të Këshillit Kombëtar të Partisë Demokratike ndërsa Flutura Açka është nominuar për Kryetare të Komisionit të Apelimit, Integritetit dhe Etikës.

Jemin Gjana do të vazhdojë të mbajë postin e Kryetarit të Komisionit Zgjedhor

Risi në Partinë Demokratike do të jetë drejtuesi i departamentit të përndjekurve politik. Nuk dihen arsyet por ajo që vjen nga familjet që krijuan shtresën e të përnejkurve politik do të jetë Sekretare për të Përndjekurit Politikë, pra, Jonila Godole.

Sekretare për Pronarët dhe çështjet e pronave, është nominuar Ledina Mandian, ndërsa Sekretar për Klimën e Biznesit është propozuar emri i Drejtuesit Politik të Qakut Kukës, dhe sipërmarrësit Flamur Hoxha.

Posti i Sekretarit për emigrantët dhe diasporën do ti besohet Belind Kelliçit ndërsa Sekretare për Organizatat Partnere do të jetë, Oriela Nebiaj.

Për Sekretariatin e Burimeve Njerëzore dhe atë të Marrëdhënieve me Publikun janë nominuar dy zonja, Arta Sakja, dhe Greta Bardeli.

Për postin e Sekretarit Organizativ, është propozuar Ervin Minarolli, ndërkohë që Sekretar për Çështjet Ligjore dhe Zgjedhore, emri i propozuar është Ivi Kaso ndërsa për Sekretar të Koordinimit Elektoral si dhe Sekretariati i Organizimit Dixhital janë nominuar, Taulant Zeneli dhe Endri Hasa.

Për postin e Kryetares së Fondacionit për Liri dhe Demokraci është propozuar pedagogia Enriketa Papa.

Ndërkohë është zbardhur edhe ndarja e përgjegjësive në Grupin e ri Parlamentar. Grupi që do të drejtohet nga nënkryetari i Partisë Alfred Rushaj i cili do të ketë dy Nënkryetarë: Ervin Salianjin dhe Luçiano Boçin. Detyra e Zëdhënësit të Grupit i është besuar Orjola Pampurit, ndërkohë që ajo e Sekretarit të Grupit Parlamnetar, deputetit të ri të Vlorës Arbi Agalliu.

Deputetët e PD janë ndarë në 8 komisone:

-Komisioni për Integrimin Europian: Jorida Tabaku

-Komisioni për Edukimin dhe Mjetet e Informimit Publik: Agron Gjekmarkaj

Komisioni për Punën, Cështjet Sociale dhe Shëndetësinë: Albana Vokshi

Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi

Komisioni për Ekonominë dhe Financat: Sorina Koti Komisioni për Veprimtaritë Prodhuese, Tregëtinë dhe Mjedisin: Helidon Bushati

Komisioni për Sigurinë Kombëtare: Flamur Noka

Komisioni për Politikën e Jashtme: Tomorr Alizoti

Ndryshe, Sekretari i Përgjithshëm i PD, Gazment Bardhi, ka bërë të ditur se Këshilli Kombëtar do të nisë punimet me 30 Gusht 2021 në orën 18:00, me këtë rend dite.

1. Konstituimi i Këshillit të ri Kombëtar dhe zgjedhja e Kryetarit të Këshillit Kombëtar.

2. Zgjedhja e Kryesisë dhe Sekretariatit të Partisë; e Kryetarit të Komisionit të Apelimit, Integritetit dhe Etikës; e Komisionit Zgjedhor; dhe të Bordit Financiar të Partisë.

3. Njoftimi i përbërjes së Kryesisë së Grupit Parlamentar të PD.

4. Caktimi i drejtuesve te Departamenteve të Këshillit Kombëtar.

Mbledhja e Këshillit Kombëtar të PD do të zhvillohet në Selinë e Partisë Demokratike.