Ekonomia në Japoni pëson rënie rekord 28.1%

Ekonomia japoneze ka pësuar një rënie në tremujorin e dytë prej 28.1 për qind në krahasim me të njëjtën periudhë të vitit të kaluar, ka bërë të ditur sot Qeveria e Japonisë, duke ndryshuar vlerësimin paraprak sipas së cilës aktivitetet kanë rënë për 27.8 për qind.

Prodhimi i Brendshëm Bruto, PBB nga prilli deri në muajin qershor ka pësuar rënie dhe është tremujori i tretë me radhë, dhe me nivelin më të lartë të rënies që nga viti 1980, nën ndikimin e pandemisë COVID-19, por dhe rritjen e TVSH nga viti i kaluar.

Brenda tremujorit gjithashtu ka pësuar rënie 7.9 për qind. Japonia që në tremujorin e parë ra në recesion, meqë rënie e aktivitetit ishte shënuar edhe në tremujorin e fundit të vitit 2019.

Konsumi personal, si komponentë kryesore e PBB, ka pësuar rënie prej 7.9 për qind në krahasim me tremujorët e parë, pak më pak se sa që ishte vlerësimi i qeverisë, duke llogaritur 8.2 për qind.  

Ka ndryshuar dukshëm rënia e investimeve kapitale, në 4.7 për qind, me vlerësimin e parë prej 1.5 për qind. Eksporti mallrave dhe shërbimeve ka rënë 18.5 për qind derisa importi ka pësuar një rënie të lehtë prej 0.5 për qind.

Në kulmin e recesionit historik, Kryeministri i Japonisë, Shinzo Abe, ka paralajmëruar në fund të muajit gusht dorëheqjen për shkaqe shëndetësore.