Ekonomia në krizë të thellë, Basha: Dështim i Edi Ramës!

Kryeministri Edi Rama nuk i ndihmoi qytetarët as pas tërmetit dhe as gjatë pandemisë, konstaton sot Kryetari i Partisë Demokratike, Lulzim Basha kur Ramavirusi shkatërroi ekonominë dhe varfëroi shqiptarët edhe më shumë gjatë pandemisë.

“Propaganda me regji qëndrore e Ramës nuk e fsheh dot dështimin. Në prill premtoi se do të punohet me 4 turne (!!!) për të pastruar Thumanën nga rrënojat. Pamjet flasin vetë. “Puna” zgjati aq sa vizita dhe transmetimi me regji qëndrore i mashtrimit të radhës,” vlerëson Lulzim Basha duke shtuar se lekët e shqiptarëve i çon në xhepin e oligarkëve dhe për shpenzime luksi.

Në vend që të ndihmonte qindra familje të varfëra, Edi Rama harxhoi qindra mijë euro të taksave tona me charter luksi për fundjavë në Paris, thekson lideri i Opozitës së Bashkuar, Lulzim Basha, në reagimin e tij përmes rrjetit social Facebook ndërsa përfundon duke e shoqëruar edhe me një video:

“Ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve.”

Reagimi i plotë:

RAMAVIRUSI shkatërroi ekonominë dhe varfëroi shqiptarët edhe më shumë gjatë pandemisë.

Propaganda me regji qëndrore e Ramës nuk e fsheh dot dështimin. Në prill premtoi se do të punohet me 4 turne (!!!) për të pastruar Thumanën nga rrënojat. Pamjet flasin vetë. “Puna” zgjati aq sa vizita dhe transmetimi me regji qëndrore i mashtrimit të radhës.

Rama nuk i ndihmoi qytetarët as pas tërmetit dhe as gjatë pandemisë. Lekët e shqiptarëve i çon në xhepin e oligarkëve dhe për shpenzime luksi. Në vend që të ndihmonte qindra familje të varfëra, Rama harxhoi qindra mijë euro të taksave tona me charter luksi për fundjavë në Paris.

Ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve.