Eksodi i mjekëve/ Rama nga Kongresi në Berlin, përgjigjet Scholz: Sfidë e lëvizjes së lirë!
Largimi i mjekëve shqiptarë drejt Gjermanisë që u alarmua dje në Kongresin e Shëndetësisë në Tiranë nga Kryeministri Edi Rama u diskutua edhe sot në Berlin me Kancelarin Olaf Shcolz por ndryshe nga mijëra mjekë servil shqiptar që heshtën kancelari gjerman i bëri të qartë se kemi të bëjmë me lëvizjen e lirë, që ishte një fitore e madhe për Shqipërinë.
Kryeministri shqiptar mori dhe mesazhe tjera të qarta në Berlin për Shqipërinë në BE ku ka ende punë për tu bërë si për sundimin e ligjit ashtu dhe mediat e pavarura ndonëse Edi Rama u mburrë se është bërë fakt që edhe njerëz me profil të lartë mund të shkojnë para drejtësisë.
“Kemi diskutuar edhe këtë çështje. Ne nuk mund ti kërkojmë Gjermanisë dhe asnjë vendi të BE-së, që të ndalojë lëvizjen e lirë të kapitalit njerëzor dhe të ndalojë lëvizjen e lirë të atyre që nga Shqipëria duan të provojnë jetën në profesionin e tyre. Kemi diskutuar me Kancelarin se si duhet të gjejmë mënyra që faktikisht Shqipëria të mos jetë financuesi i drejtpërdrejtë i sistemit shëndetësor gjerman.
I kam shpjeguar Kancelarit që studentët tanë të mjekësisë paguajnë 1/16 të kostos, ndërkohë që pjesën tjetër e paguan Qeveria. Është shumë e rëndësishme që të gjejmë një rrugë, që të jetë një rrugë europiane për të balancuar atë që Shqipëria humbet në këtë fazë kaq të rëndësishme,” përsëriti Edi Rama fjalët e Kongresit para Kanlcelarit të Gjermanisë i cili i sqaroi banalitetin për të cilin fliste Kryeministri i Shqipërisë
“Ne folëm për këtë çështje. Është një sfidë e madhe. Lëvizja e lirë është arritje shumë e madhe e BE-së. U ka dhënë ndjesinë qytetarëve që nuk mund të udhëtosh vetëm si turist, por që në çdo kohë mund ti hipësh avionit dhe të punosh aty ku ke dëshirë.
Më kujtohen shumë mirë kohët kur kjo ishte shumë e vështirë të bëhej. Ishte një sfidë e madhe kur doje të hapje një restorant në një vend tjetër, tani kjo nuk është më. Me këtë liri sot janë lidhur edhe shumë sfida. Është shumë e rëndësishme që vendi ynë ndihet përgjegjës që nevojën e tij të madhe për vende pune të mos e mbulojë vetëm nga vendet e BE-së, por edhe përtej saj. Ne po përpunojmë legjislacionin për imigrimin e fuqisë punëtore të kualifikuar në Gjermani dhe me këtë hapet tregu i Gjermanisë dhe i Europës. Kjo është diçka që e bën më të menaxhueshme situatën edhe në Europë,” tha Scholz ndërsa rreth anëtarësimit të Ballkanit Perëndimor në BE, ai foli për Shqipërinë që në thelb i mbetet sundimi i ligjit dhe mediat e lira dhe të pavarura.
“Mediat e lira dhe të pavarura janë pjesë përbërëse dhe thelbësore e demokracive tona europiane. Ndaj kemi nevojë për një mjedis ekonomik me siguri juridike dhe transparent. Integrimi i shpejtë i të gjashtë vendeve të Ballkanit Perëndimor ka rëndësi strategjike,” tha Kancelari i Gjermanisë deri sa Edi Rama u mburrë se është bërë fakt që të gjithë njerëz pavarësisht profilit dalin para drejtësisë.
“Samiti është një kënaqësi, respekt dhe një shprehje nderi. Po ashtu është dhe një detyrim ndaj aleatëve tanë të rëndësishëm, Gjermanisë. Kjo pasi samiti vjen në Tiranë. Samiti ka lënë një gjurmë të thellë tek ne, që mbi të gjitha është një barrë në vijimësi për të fituar respektin dhe duke u bërë një vend sa më evropian për standardet dhe sfidat. Jemi i vetmi vend në rajon që kemi bërë ndryshim, ku duhet të marrin shembull dhe vendet e tjera të rajonit.
Natyrisht që ka shumë punë për të bërë, por tashmë është bërë fakt që edhe njerëz me profil të lartë mund të shkojnë para drejtësisë. Këto janë shenja shumë domethënëse të një rruge që vazhdon. Kombinimi i aspekteve ekonomike, financiare me shtysën që kancelari, përmes BE dhe SHBA, për marrëdhëniet Kosovë-Serbi,” tha Kryeministri i Shqipërisë siç duket prezent në mbledhjet e përbashkëta të dy qeverive Kosovë-Shqipëri por aspak i informuar se sa është bërë me ndryshimin e ligjit me Qeverinë Kurti.
Në fund, Kancelari gjerman Olaf Scholz duke falënderuar për bashkëpunimin me Shqipërinë, konfirmoi se më 16 tetor në Tiranë do të mbahet Samiti i Procesit të Berlinit.
“Në janar ishte vendi i parë i rajonit që ratifikoi 3 marrëveshje. Ky ishte një model i mirë. Integrimi i shpejtë i gjashtë shteteve të Ballkanit Perëndimor ka rëndësi strategjike dhe dëshirojmë ti mirëpresim sa më shpejt si anëtar në BE. Thelbi i negociatave mbetet sundimi i ligji, ndaj është mirë që anëtarë të rrjeteve kriminale dhe zyrtarë të rangut të lartë janë paditur dhe dënuar. Mediat e lira po ashtu është shumë e rëndësishme.
Lufta e Ukrainës na ka vërtetuar se duhet të angazhohemi më shumë, dhe falënderoj Shqipërinë për rolin e saj. Ajo mbështet vendimet e politikës së përbashkët. Që prej 35 vitesh republika federale gjermane ka një bashkëpunim të mirë. qeveria e drejtuar prej meje është e angazhuar që të mbetet me një bashkëpunim më të ngushtë.”
