Eksperte e OSBE/ Ja pse heshtë Jozefina Topalli…
Ka kohë që Ish-kryetarja e Parlamentit të Shqipërisë, Jozefina Topalli nuk është përfshirë në debatin rreth zhvillimeve politike, dhe pas punësimit të dy “rebelëve” kundër Lulit, Majlinda Bregu dhe Ridvan Bode, u ngritën shumë dyshime për heshtjen e Jozit dhe sistemimit nga Edi Rama.
Nuk dihet roli i qeverisë dhe Edi Ramës, meqë ky i fundit ende nuk është mburrur me këtë sistemim, siç ka bërë me Bregun dhe Boden, por nga një njoftim i Parlamentit të Malit të Zi bëhe e ditur se ekspertja e OSBE në Malin e Zi, Jozefina Topalli ka zhvilluar një takim me kryetaren e Komisioni të Ligjeve. Marta Sçepanoviç dhe anëtaren e këtij komisioni Jovanka Laliçiç.
Në takim dy palët folën për bashkëpunimin e suksesshëm mes Parlamentit të Malit të Zi dhe Misionit të OSBE-së në Malin e Zi, duke u fokusuar në përmirësimin e kapaciteteve të Parlamentit përmes mbështetjes për disa organe punuese.
Ndryshe, për çdo vëzhgues shqiptar që angazhohet në misionet e OSBE nëpër botë, rolin kryesor e ka shteti shqiptar, përkatësisht Ministri i Jashtën dhe kryetari i Parlamentit të Shqipërisë. Se cili është roli i këtyre protagonistëve me shefin e tyre Edi Rama, për emërimin e Topallit shumë shpejtë pritet të bëhet publik, meqë ishin mediat e afërta me shtetin që e lançuan “lajmin e madh” mbi angazhimin e Jozefina Topallit në OSBE.
