Eksporton byrek me vlerë 33 milionë euro. Ky është prodhuesi më i madh në Ballkan…

Viti e kaluar, një furrë buke në Slloveni ka eksportuar në tregun perëndimor rreth katër milionë euro prodhime, nga gjithsejtë 33 milionë euro të ardhura nga shitja e  byrekut.

Rritjen më të madhe në eksport e ka shënuar  në Kroaci, ku kanë themeluar kompaninë simotër në vitin 2014.

“Në tri vitet e fundit shitja në Kroaci ka shënuar një rritje prej 2.7 milionë euro. Gjithashtu, gjithnjë e më shumë eksportojnë në Suedi dhe Austri. Tani rritjen e shitjes planifikojmë ta realizojmë edhe në tregun gjerman, ku kemi hapur dhe një zyrë,” thekson Silvester Peçjak, i cili udhëheqë biznesin familjar  që nga mosha e tij 26 vjeçare, e sot është 40 vjeç.

Përkundër këtyre të ardhurave, Silvester thotë se do të ishte i kënaqur kur furra e tij do të realizoj të ardhura prej 35 milionë eurove në momentin kur ai do të dal në pension.

“Kohët e fundit kemi shënuar rritje të shpejtë sepse jemi përgatitur mirë për humbjen e tregut, që për ne ishte shitja e Merkatorit. Për këtë arsye jemi përqëndruar në mënyrë intensive në tregjet tjera, dhe në përputhje me këtë kemi rritur qëllimet tona,” tha Silvester Peçjak.

Kjo furrë buke është e njohur me rrogat e punëtorëve që ka dhe shkojnë mbi mesataren e rrogave në Slloveni, e vitin kaluar arriti në 1.757 euro.