Ekzekutimi 39-vjeçarit në Tiranë, banorët te “Kodra e Diellit” e njihnin me emrin “Skerdi”

Hasmëria dyshohet të jetë motivi i krimit që tronditi mbrëmjen e së dielës kryeqytetin, ku në zonën e Kodrës së Diellit u ekzekutua 39-vjeçari Briken Sanaj nga Lezha.

Briken Sanaj ishte një person i skeduar nga policia dhe i dyshuar më herë për një plagosje. Mesohet se një konflikt familjar i 2010 dhe më pas një plagosje nga vëllai i tij janë dhe motivet e krimit që tronditi kryeqytetin.

Duke iu referuar burimeve nga grupi hetimor, BW raporton se në vitin 2012, vëllai i Sanaj kishte plagosur një person. Por në zonë 39-vjeçari i vrarë njihej nga banorët e “Kodrës së Diellit”, me emrin Skerdi dhe më shumë qëndronte jashtë shtetit, konkretisht në Itali.

Sipas rindërtimit të skenës së krimit hetuesit kanë arritur në konkluzionin se autorët e kanë mbajtur nën vëzhgim Sanajn.

Policia ka sekuestruar pamjet e kamerave të sigurisë në zonë, disa gëzhoja dhe provat hetimore në vendin e ngjarjes ndërsa ka shoqëruar disa persona që mund të kenë dijeni për ngjarjen