Ekzekutohet 28 vjeçari shqiptar në Belgjikë, një i arrestuar 

Një shqiptar ka mbetur i vrarë gjatë një atentati në Koekelare të Belgjikës.

Mediat belge raportojnë se 28 vjeçari Ilir S. u vra me të paktën gjashtë plumba. Ai u ekzekutua përgjatë IJzerdijk në Stuivekenskerke, afër Diksmuide. Ai la pas gruan dhe një fëmijë.

Ndërkohë, raporton BW, prokurori publik konfirmon se tashmë ka mundur të arrestojë një të dyshuar. Ai do të paraqitet nesër para gjykatës hetuese.

Deri më tani nuk dihen rrethanat e ngjarjes në fjalë, ndërsa autoritetet belge janë duke hetuar mbi motivet e vrasjes.