Ekzekutohet lideri i kultit apokaliptik

Shoko Asahara, lideri i kultit përgjegjës për sulmin me sarin në metronë e Tokios në vitin 1995, është ekzekutuar së bashku me gjashtë mbështetësit e tij, bëjnë  të ditur mediat japoneze.

Zëdhënësi i qeverisë së Japonisë, Joshihide Suga konfirmoi se Asahara është ekzekutuar me varje.

Asahara së bashku me 12 anëtarët e kultit të tij Aum Shinri Kyo është dënuar me vdekje për shkak të disa krimeve ku janë vrarë 27 njerëz, ndër të cilët edhe sulmi me sarin në metronë e Tokios ku kanë humbur jetën 13, dhe janë plagosur 6000 persona.

Agjencia e lajmeve Kjodo bënë të ditur se përveç Asaharas janë ekzekutuar edhe gjashtë anëtarë të kultit.

Ata janë të dënuarit e parë me vdekje ndaj të cilëve është ekzekutuar dënimi me vdekje, pasi në muajin janar të këtij viti ka përfunduar procesi gjyqësor  kundër të gjithë anëtarëve të akuzuar të kultit Aum.

Japonia së bashku me SHBA, është njëra ndër vendet e rralla të zhvilluara ku ekzekutohen dënimet me vdekje.