Elbasan, Arjan Çani kapet me 505 gramë heroinë

Operacioni “Muzgu” u realizua me sukses nga Policia e Elbasanit me ç’rast u sekuestruan 505 gramë heroinë dhe u arrestuan dy persona.

Arjan Çani, 49 vjeç, banues në Berat dhe Arshim Pilinçi, 27 vjeç, banues në fshatin Podgorie, Korçë u kapën në aksin rrugor Qafë Thanë-Elbasan .

Ata po udhëtonin me dy automjete ku Arshim Pilinçi kontrollonte rrugën .

“Gjatë kontrollit të Arjan Çanit, uniformat blu i gjetën dhe sekustruan 505 gramë lëndë e dyshuar narkotike e llojit “Heroinë”.

Gjithashtu u sekuestruan edhe dy aparate celular dhe  dy automjete  në pronësi të shtetasve të arrestuar.

Nga hetimet e kryera deri më tani, rezulton se këta shtetas në bashkëpunim me njëri-tjetrin po transportonin sasinë e lëndës narkotike për të shitur në doza të vogla në  qytetin e  Elbasanit,”-raporton policia.

Policia kanë nisur hetimet për identifikimin e bashkëpunëtorve të tjerë të përfshirë në këtë aktivitet kriminal.

Materialet i kaluan Prokurorisë së Rrethit Gjyqesor Elbasan, për veprën penale të “Prodhimi dhe shitja e narkotikeve”  e kryer në formën e bashkëpunimit, e parashikuar nga neni 283/2,  i Kodit Penal