Elbasan, një i vdekur dhe një i plagosur në fabrikën e çimentos

Një aksident i rëndë ka ndodhur sot në Fabrikën e Çimentos në Elbasan, ku  raportohet për një të vdekur, një të plagosur ndërkohë që dhe një punëtor tjetër është mbuluar me tonelata materiale ndërtimi.

Mësohet se Musa Sula, 56 vjeç banues i fshatit Ulem ndërroi jetë, ndërsa është në gjëndje të rëndë shtetasi Tomor Mjekërzaku, 65 vjeç, banues në lagjen Qemal Stafa , Elbasan.

Sipas informacionit paraprak të policisë nuk sqarohet se çfarë ka ndodhur por mësohet se grupi hetimor ndodhet në vendngjarje dhe po punon për sqarimin e rrethanave të ngjarjes

Ndërkohë mediat lokale informojnë se punëtori është zënë poshtë nga një masiv çimentoje.

Informacioni paraprak i policisë:

“Gjatë punimeve në fabrikën e çimentos, dy shtetas janë aksidentuar ku shtetasi  M.S., 56 vjeç,banues në fshatin Ulem, ka ndëruar jetë,  si dhe është në gjëndje të rëndë shtetasi T.M., 65 vjeç, banues në lagjen Qemal Stafa , Elbasan.

Grupi hetimor ndodhet në vendngjarje dhe po punon për sqarimin e rrethanave të ngjarjes”