EMA vlerëson të dhënat për dozën e tretë të vaksinës Pfizer

Agjencia evropiane e ilaçeve, EMA, ka bërë të ditur se është duke vlerësuar të dhënat për dozën e tretë të vaksinës Pfizer kundër COVID-19, e cila jepet gjashtë muaj pas dozës së dytë tek njerëzit mbi 16 vjeç.

EMA sqaroi se së shpejti do të bëjë vlerësimin e të dhënave, e rezultati pritet në javët e ardhshme, raporton Agjencia e lajmeve Reuters.

Kompania amerikane Moderna ka bërë të ditur të premten se EMA kishte kërkuar miratimin e kushtëzuar për dhënien e vaksinës kundër koronavirusit në dozën prej 50 mikrogram.

Në njoftimin e kompanisë Moderna theksohet se përgjigja e EMA-s pritet në një afat të arsyeshëm.

Vaksinat Moderna dhe Pfizer me dy doza bazohen në teknologjinë e re mRNA.

EMA, gjithashtu ka bërë të ditur se po vlerëson të dhënat mbi përdorimin e dozës shtesë të vaksinës  mRNA tek njerëzit me sistem të dobët imunologjik.

Javën e kaluar Qendra evropiane për parandalim dhe kontrollin e sëmundjeve, ECDC, ka bërë të ditur se nuk ka emergjencë për vaksinat përforcuese kundër

COVID-19 tek njerëzit që janë vaksinuar plotësisht.

Ndërkohë Shtetet e Bashkuara po përgatiten për zbatimin e dozave përforcuese, pasi eksperti amerikan për sëmundje infektive, Anthony Fauci, deklaroi se zyrtarët do të marrin miratimin për vaksinat e përforcuara Pfizer.