Emergjencë Kombëtare, Basha: Largimi i Edi Ramës, rruga e vetme drejt…

Kryetari  Partisë Demokratike, Lulzim Basha, duke folur para banorëve te Unaza e Re të prekur nga projekti Unaza e Madhe, të cilët kanë hyrë në muajin e pestë të protestës, aty ku vendimet i mori Edi Rama dhe mafiozët e lidhur me të, por vendimin final nuk e mori dot, tha se ka ardhur koha ti japim zgjidhje kësaj emergjence kombëtare, dhe me 16 mars të gjithë bashkë, do ta hapim derën e mbyllur të Europës, largimi i Edi Ramës është i pashmangshëm.

“Çdo protestë është vendim dhe tash 127 ditë e netë, këta banorë e kanë marrë vendimin për të mos ja dorëzuar dinjitetin e tyre, të ardhmen e tyre, mafies dhe Edi Ramës. Sepse këtu vendimet nuk i mori ligji, vendimet nuk i mori kushtetuta, nuk i morën njerëz të zgjedhur për të mbrojtur dhe përfaqësuat interesat e qytetarëve. As të Tiranës e as të Shqipërisë. Këtu vendimet, siç e dinë e gjithë Shqipëria dhe e gjithë bota, i mori mafia, mafia e ulur kokë më kokë me Edi Ramën vendosi që në një segment ekzistues rrugor të shpallë një tender fantazëm, me një projekt fantazëm, me një vlerë rekord edhe për Japoninë, prej 20 milionë eurosh për kilometër, që ky tender të ndahej në 3 pjesë, për të eliminuar shanset që ndonjë konkurrues i huaj të futej e t’ju prishte pazarin.”

Pra, këtu në Unazën e Re vendimet i mori mafia, i mori Edi Rama, Afrim Qendro, Damian Gjiknuri dhe mafiozët e lidhur me të. Por vendimin final nuk e mori dot.

“Solli FNSH-në që arrestoi fëmijë e shoqëroi edhe nëna shtatzëna. Lleshaj, kjo vegël e krimit të organizuar dhe e Edi Ramës, dhunoi qytetarët atë mbrëmje, por nuk i theu dot. Nuk i theu dot Edi Rama me hordhitë e tij, as me ata të tjerët, që janë më të këqinj se policët e dajakut, analistët e blerë në ekranet e blera, që i bënin jehonë një perversi të shthurur që u thotë qytetarëve të vet shpellarë, kadrinj e ramadanë, e që në vetvete përfaqëson llumin e llumit të kësaj shoqërie, llum që ka ardhur koha ta pastrojmë me fshesën më të madhe, me bashkimin më të madh popullor. Dhe do ta pastrojmë! Koha e hajdutëve po merr fund bashkë me kohën e Edi Ramës që ka marrë fund.”

Sot nga Unaza, Lulzim Basha, kishte një mesazh për qytetarët, që të vendosin për të ardhmen tyre, që ti japin fund njëherë e mirë, politikës së bërë njish me krimin dhe kriminelëve që krekosen në kostume deputetësh e kryebashkiakësh.

“Koha ka ardhur ti japim zgjidhje kësaj emergjence kombëtare. Largimi i Edi Ramës është i pashmangshëm, përballë bashkimit të madh të shqiptarëve për ndryshim. Dhe kjo është rruga e vetme drejt vlerave europiane. Nuk shkohet në Europë me zgjedhje të diktuara nga krimi, nuk shkohet në Europë me një shtet që duke shkelur ligjin e Kushtetutën, godet të pambrojturit, godet kryefamiljarët, privon nga e ardhmja fëmijët dhe mbron e lartëson kriminelët dhe oligarkët grabitqarë.”

Nuk shkohet në Europë, me një qeveri dhe një kryehajdut që që nga mëngjesi e deri në dakrë e kanë mendjen si e si të vjedhin dhe të grabisin shqiptarët.Ky është kuptimi i shtetit që ka ndërtuar Edi Rama, vlerësoi Basha duke konstatuar se gjithçka në këtë shtet bëhet për të pasuruar Edi Ramën dhe bandën e tij të hajdutëve.

Ndaj, vendimi juaj për ti hapur rrugë zgjidhjes politike që ne kemi propozuar, është po kështu vendimi i vetëm i drejtë që mund të merret në këto kushte, tha kryetari i Partisë Demokratike në mënyrë që të hapet dera e Shqipërisë Europiane:

“Banorët e unazës vendosën të mos e ulin kokën! Ju duhet të vendosni të hapim derën e Shqipërisë Europiane! Ju duhet të vendosni, që kurrë më në xhepat tuaj, në tavolinat tuaja, në shtëpitë tuaja, most ë vendosin kriminelët me fytyrën, me fjalorin e shthurur dhe me dorën barbare të Edi Ramës. Most ë jetë më ai, Zot në shtëpitë tuaja, në familjet tuaja, në bizneset tuaja, në shkollën e fëmijëve tuaj.”

Ju do të jeni zot të fateve tuaja! Shqiptarët do të jenë zot të shtëpive të tyre, tha kryetari i PD, Lulzim Basha, dukei ftuar protestuesit tek Unaza e re të marrin këtë vendim historik bashkë më gjithë shqiptarët e tjerë dhe me 16 mars të marrin pjesë në takim me historinë e triumfit të bashkuar, ndërsa përfundoi:

“Me 16 mars të gjithë bashkë, do ta hapim derën e mbyllur të Europës. Me Edi Ramën nuk ka për të pasur Europë, nuk ka për të pasur negociata aq ç’ka pasur në 6 vite. Nuk ka për të pasur as zhvillim, as përparim, tani më këtë e di gjithëkush, e dinë edhe socialistët e ndershëm. Ju bëjmë thirrje edhe atyre të bashkohen për dinjitetin e familjes së tyre dhe të vlerave në të cilat ata besojnë.”