Emergjencë kombëtare/ Shteti ka rënë, Basha: Ja si do ta kthejmë…

Pas dy ngjarjeve të rënda brenda vetëm 12 orëve në Tiranë, te Bregu i Lumit dhe në Aeroportin e Rinasit, ka reaguar Kryetari i Partisë Demokratike, Lulzim Basha, duke theksuar se kjo është dëshmi që shteti ka rënë, dhe dhënia fund e këtij regjimi sot është emergjencë kombëtare.

“Sot Shqipëria nuk ka rend publik dhe siguri. Policia është kthyer në një bandë që për pushtetin ilegjitim të marrë me krimin i ka lënë dorë të lire krimit dhe po dhunon në mënyrë shtazarake qytetarët,” tha Lulzim Basha duke folur fillimisht për ngjarjen e rëndë në Bregun e Lumit me veprimet kriminale të policisë.

“Dje në orën 05: 30 të mëngjesit, policia hyri nëpër banesat e banorëve në fund të “Bulevardit të Ri” dhe hodhi gaz lotsjellës brenda shtëpive ku ishin të pranishëm edhe të mitur nga mosha 3 vjeç e sipër. Nga përplasja mes banorëve në mbrojtje të shtëpive të tyre 3 qytetarë përfunduan në spital ndërmjet të cilëve një 76 vjeçar me çarje në kokë që u operua, një grua me thyerje këmbe dhe një tjetër grua me fraktura,” tha Kryetari i PD duke folur për ngjarjen dhe veprimet e policisë me  epilog: 10 qytetarë të shoqëruar në polici, të gjitha gra dhe 4 prej të cilave minorene përfshirë edhe një fëmijë 5 vjeç. Dhe jo vetëm kaq!

Që nga protesta e 16 shkurtit janë shoqëruar 114 dhe janë arrestuar 52 qytetarë.

“Policia po përdoret për vetëm një qëllim: luftën kundër popullit, luftën kundër njerëzve të pafajshëm që mbrojnë shtëpitë e tyre. Ndërkohë nuk ka asnjë përpjekje për të luftuar krimin”

Vrasjet, tritoli dhe grabitjet me armë në mes të ditës, tha Basha po trondisin çdo ditë sigurinë në mes të qyteteve dhe rrugëve tona. I vetmi aktivitet kundër krimit është: policia shkoi në vendin e ngjarjes.

“Kur në Rinas, që është zona me sigurinë më të lartë në vend, kryhet grabitje me armë e avionit të linjës ndërkombëtare në mes të ditës, çdo kush e kupton fare mirë se në çfarë niveli është policia, se në çfarë niveli është katandisur rendi dhe siguria publike,” tha Kryetari i PD, Lulzim Basha duke konstatuar se arsyeja dhe shkaku kryesor i rënies së shtetit, i mungesës së sigurisë për jetën dhe pronën e qytetarëve është pakti mes krimit dhe qeverisë ilegjitime të ardhur në pushtet me ndihmën e krimit, ndërsa përfundoi:

“Dhënia fund e këtij regjimi është sot emergjencë kombëtare. Prandaj protestojmë të shtunën me 13 prill në Tiranë. Rruga e vetme për zgjidhjen e kësaj emergjence kombëtare, për kthimin e shtetit si garantues të ligjit, rendit dhe sigurisë publike është bashkimi i të gjithë shqiptarëve në betejën kundër padrejtësisë, krimit dhe korrupsionit, për sigurinë, jetën dhe mirëqenien e çdo shqiptari.”

Deklarata e plotë:

Të dashur bashkëqytetarë,

Dy ngjarje në një hark kohor prej më pak se 12 orësh ditën e djeshme janë dëshmi se shteti ka rënë. Se sot Shqipëria nuk ka rend publik dhe siguri. Se policia është kthyer në një bandë që për pushtetin ilegjitim të marrë me krimin i ka lënë dorë të lire krimit dhe po dhunon në mënyrë shtazarake qytetarët.

Dje në orën 05: 30 të mëngjesit, policia hyri nëpër banesat e banorëve në fund të “Bulevardit të Ri” dhe hodhi gaz lotsjellës brenda shtëpive ku ishin të pranishëm edhe të mitur nga mosha 3 vjeç e sipër.

Nga përplasja mes banorëve në mbrojtje të shtëpive të tyre 3 qytetarë përfunduan në spital ndërmjet të cilëve një 76 vjeçar me çarje në kokë që u operua, një grua me thyerje këmbe dhe një tjetër grua me fraktura.

10 qytetarë u shoqëruan në polici, të gjitha gra dhe 4 prej të cilave minorene përfshirë edhe një fëmijë 5 vjeç.

Që nga protesta e 16 shkurtit janë shoqëruar 114 qytetarë dhe janë arrestuar 52.

Policia po përdoret për vetëm një qëllim: luftën kundër popullit, luftën kundër njerëzve të pafajshëm që mbrojnë shtëpitë e tyre.

Në këto dy muaj është perdorur gaz helmues më shumë se në të gjithë historinë e Shqipërisë.

Ndërkohë nuk ka asnjë përpjekje për të luftuar krimin.

Vrasjet, tritoli dhe grabitjet me armë në mes të ditës po trondisin çdo ditë sigurinë në mes të qyteteve dhe rrugëve tona.

I vetmi aktivitet kundër krimit është: policia shkoi në vendin e ngjarjes.

Kur në Rinas, që është zona me sigurinë më të lartë në vend

kryhet grabitje me armë e avionit të linjes ndërkombëtare në mes të ditës,

Çdokush e kupton fare mirë se në çfarë niveli është policia, se në çfarë niveli është katandisur rendi dhe siguria publike.

Kjo ndodh kur Shqipëria është bërë qendër e krimit ndërkombëtar, sipas raportit të DASH, bazë operacionesh e rrjeteve kriminale ku jo vetëm nuk luftohet por po nxitet pastrimi i parave të krimit nga vetë qeveria me ndërtimet dhe projektet korruptive në ndërtim, inceneratorë, turizëm dhe PPP.

Arsyeja dhe shkaku kryesor i rënies së shtetit, i mungesës së sigurisë për jetën dhe pronën e qytetarëve është pakti mes krimit dhe qeverisë ilegjitime të ardhur në pushtet me ndihmën e krimit.

Dhënia fund e këtij regjimi është sot emergjencë kombëtare. Prandaj protestojmë të shtunën me 13 prill në Tiranë.

Rruga e vetme për zgjidhjen e kësaj emergjence kombëtare, për kthimin e shtetit si garantues të ligjit, rendit dhe sigurisë publike është bashkimi i të gjithë shqiptarëve në betejën kundër padrejtësisë, krimit dhe korrupsionit, për sigurinë, jetën dhe mirëqenien e çdo shqiptari. Ju faleminderit!