Emërimet, Drejtori i Përgjithshëm i Policisë me drejtues të ri

Drejtori i ri i Përgjithshëm i Policisë së Shtetit, Gledis Nano, sot ka bërë publik ndryshimet e para në polici, si dhe zëvendësimin e tij në krye të Antiterrorit, për siç u tha, të prioriteteve të reja që ka përcaktuar Qeveria Shqiptare për institucionin e Policisë së Shtetit .

Kështu, Policia e Tiranës do të drejtohet nga Lorenc Paganika, ndërsa Rebani Jaupi zhvednoset nga ky post duke u emëruar Drejtor i Departamentit për Siguri publike .

Ardian Çipa është emëruar Drejtor i Policisë së Elbasanit, ndërsa Policia e Vlorës do të drejtohet nga Gentian Berberi. Kreu i Policisë së Shtetit ka menduar që në krye të Drejtorisë së Fierit ta vendos Alfed Çepen ndërsa në Shkodër, Hamdi Fjorën.

Ja dhe ndryshimet e drejtuesve të strukturave vendore dhe qendrore të Policisë së Shtetit:

Drejtor i Policisë në Tiranë, Lorenc Paganika

Drejtor i Policisë në Shkodër, Hamdi Fjora

Drejtor i Policisë në Vlorë, Gentian Berberi

Drejtor i Policisë në Elbasan, Ardian Çipa

Drejtor i Policisë në Fier, Alfred Çepe

Drejtor i Policisë në Korçë, Gjovalin Loka

Drejtor i Policisë në Durrës, Neritan Nallbati

Drejtor i Policisë në Kukës, Edmond Sulaj

Drejtor i Policisë në Gjirokastër, Bledar Çeliku

Drejtor i Policisë në Lezhë, Oltion Bistri

Drejtor i Policisë në Dibër, Skënder Hitaj

Drejtor i Departamentit për Siguri publike, Rebani Jaupi

Drejtor i Antiterrorit, Alban Dautaj

Drejtor kufiri në Tiranë, Saimir Boshnjaku

Drejtor kufiri në Korçë, Fatmir Hoxha

Drejtor kufiri në Gjirokastër, Sokol Cana

Drejtor kufiri në Shkodër, Arbër Joçi

Drejtor i Qendrës së të Huajve në Departamentin e Kufirit dhe Migracionit, Lorenc Shehu.

Ndryshe, duke filluar që nga dita e nesërme, Drejtori i Përgjithshëm i Policisë së Shtetit tha se do të bëj prezantimin e drejtuesve të rinj të Policisë, në çdo drejtori, si dhe do t’iu përcaktoj prioritetet dhe objektivat atyre për rritjen e parametrave të rendit dhe sigurisë publike në luftën kundër krimit.