Emërimet e magjistratëve, PS tërhiqet/ Opozita bojkotoi, Rama nuk siguroi 84 vota…

Partia Socialiste ka kërkuar sot tërheqjen nga rendi i ditës së punimeve të Kuvendit për ligjin e Magjistraturës, për të cilin kërkohen 84 vota.

Në kushtet kur opozita nuk ka qenë e pranishme në seancë dhe të mungesës së votive për të miratuar ndryshimet ligjore, PS ka kërkuar tërheqjen e ligjit nga seanca për t’a kaluar në një tjetër seancë të Kuvendit.

Opozita nuk ishte e pranishme sot në Kuvend për shkak të manipulimit të proçesit të votimit në miratimin e ligjit për Teatrin, i votuar në seancën e të enjtes të javës së kaluar.

Ndërkohë lidhur me ndryshimet e propozuara në ligjin për Magjistraturën, ish-ministri i Drejtësisë, Nasip Naço, sqaroi se ato janë një kthim i madh prapa, pasi synohet që t’i jepet e drejta KLD të bëjë emërimet e magjistratëve të rinj, ndërkohë që ky proçes duhej të ishte bërë që në 2016. Opozita e ka cilësuar draftin e paraqitur si një tjetër kapje e drejtësisë nga Edi Rama.